తలైవా హృదయాన్ని గెలిచిన పద్మ! సూపర్ స్ఠార్ Rajinikanth సూపర్ గిప్ఠ్

చెన్నై వీధుల్లో చెత్తను ఊడ్చే ఒక సామాన్య మహిళ.. తన నిజాయితీతో ఏకంగా 'తలైవా' రజనీకాంత్ (Rajinikanth) మనసు గెలుచుకుంది. ఒక పారిశుద్ధ్య కార్మికురాలిలోని నిస్వార్థ గుణాన్ని గౌరవించి, ఆమెను తన ఇంటికి పిలిపించుకుని మరీ సూపర్ స్టార్ సత్కరించిన వైనం ఇప్పుడు సోషల్ మీడియాలో వైరల్ అవుతోంది. ఈ హృదయానికి హత్తుకునే కథనం మీకోసం:

చెత్తలో దొరికిన 45 తులాల బంగారం.. కానీ ఆమె మనసు మాత్రం రత్నం!
చెన్నైలోని టీ నగర్ ప్రాంతంలో పద్మ అనే మహిళ పారిశుద్ధ్య కార్మికురాలిగా పని చేస్తోంది. జనవరి 11న ఆమె తన విధుల్లో భాగంగా రోడ్లను శుభ్రం చేస్తుండగా, చెత్త కుప్పల మధ్య ఒక పాత బ్యాగ్ కనిపించింది. ఆ బ్యాగ్ తెరిచి చూసిన పద్మ ఒక్కసారిగా నిర్ఘాంతపోయింది. అందులో దాదాపు 45 తులాల బంగారు ఆభరణాలు ఉన్నాయి. నేటి కాలంలో ఒక్క తులం బంగారం కనిపిస్తేనే ఆశ పడే లోకం ఇది.. కానీ, పద్మ మాత్రం రూపాయి కూడా ఆశించలేదు. ఆ బంగారాన్ని వెంటనే అధికారులకు, పోలీసులకు అప్పగించి తన నిజాయితీని చాటుకుంది.

నిజాయితీకి 'సూపర్ స్టార్ Rajinikanth' సలాం

పద్మ నిజాయితీ గురించి తెలుసుకున్న సూపర్ స్టార్ రజనీకాంత్, ఆమెను స్వయంగా తన నివాసానికి ఆహ్వానించారు. సమాజంలో ఎందరికో ఆదర్శంగా నిలిచిన పద్మను రజనీకాంత్ శాలువాతో ఘనంగా సన్మానించారు. కేవలం అభినందనలతో సరిపెట్టకుండా, ఆమెకు ఒక బంగారు గొలుసును కానుకగా ఇచ్చి తన పెద్ద మనసును చాటుకున్నారు. "తెరపైనే కాదు, నిజ జీవితంలోనూ తలైవా గ్రేట్" అంటూ అభిమానులు ఈ సంఘటనను కొనియాడుతున్నారు. తమిళనాడు ముఖ్యమంత్రి ఎం.కె. స్టాలిన్ కూడా పద్మను ప్రత్యేకంగా కలిసి ఆమె ధైర్యాన్ని మెచ్చుకున్నారు.

సినిమా విశేషాలు:

ఒకవైపు ఇలాంటి సామాజిక కార్యక్రమాల్లో పాల్గొంటూనే, రజనీకాంత్ తన సినీ ప్రయాణాన్ని జోరుగా కొనసాగిస్తున్నారు.

• జైలర్ 2: నెల్సన్ దిలీప్‌కుమార్ దర్శకత్వంలో సూపర్ హిట్ 'జైలర్' మూవీకి సీక్వెల్ షూటింగ్‌లో రజనీ బిజీగా ఉన్నారు.
• తలైవా 173: సిబి చక్రవర్తి దర్శకత్వంలో, కమల్ హాసన్ నిర్మాణంలో రాబోతున్న భారీ ప్రాజెక్టుకు రజనీ గ్రీన్ సిగ్నల్ ఇచ్చారు.
• ఏప్రిల్‌లో షురూ: ఇది పక్కా కమర్షియల్ ఎంటర్‌టైనర్ అని, ఏప్రిల్ నుంచి ఈ సినిమా రెగ్యులర్ షూటింగ్ ప్రారంభం అవుతుందని స్వయంగా సూపర్ స్టారే వెల్లడించారు.

English summary

Superstar Rajinikanth felicitates sanitation worker Padma for her honesty in returning 45 sovereigns of gold found in Chennai, inspiring the nation.