ఫేస్ బుక్ ఫ్రెండ్: సంగీతం నేర్పిస్తా రా, పదేపదే అత్యాచారం, వీడియోలు, బ్లాక్ మెయిల్!

బెంగళూరు: ఫేస్ బుక్ లో యువతిని పరిచయం చేసుకుని ఇంటికి వస్తే సంగీతం నేర్పిస్తానని నమ్మించి మోసం చేసి అత్యాచారం చేసిన ఘటన బెంగళూరు నగరంలోని జ్ఞానభారతీ పోలీస్ స్టేషన్ పరిధిలో జరిగింది. యువతితో సన్నిహితంగా ఉన్న సమయంలో వీడియోలు తీసి పదేపదే అత్యాచారం చేశాడు ఓ కామాంధుడు.

బెంగళూరు నగరంలోని ఉల్లాల ఉపనగర్ లో నివాసం ఉంటున్న మంజునాథ్ అలియాస్ కరణ్ మహదేవప్ప అనే యువకుడు ఫేస్ బుక్ లో మైసూరు రోడ్డులోని బ్యాటరాయనపురలో నివాసం ఉంటున్న యువతి (24)ని ఫేస్ బుక్ లో పరిచయం చేసుకున్నాడు.

ఫేస్ బుక్ లో యువతితో చనువు పెంచుకున్న కరణ్ తన ఇంటిలో రికార్డింగ్ స్టూడియో ఉందని, తాను సంగీతం నేర్పిస్తానని, నీకు సినిమాల్లో పాటలు పాడే అవకాశం వస్తోందని ఆమెను నమ్మించాడు. ఇలా యువతిని నమ్మించిన కరణ్ ఆమెను ఇంటికి పిలిపించుకున్నాడు.

యువతితో సన్నిహితంగా ఉన్న కరణ్ ఆమెను లైంగికంగా లొంగదీసుకున్నాడు. యువతితో ఏకాంతంగా ఉన్న సమయంలో వీడియోలు, ఫోటోలు తీసిన కరణ్ తరువాత ఆమెను బ్లాక్ మెయిల్ చేశాడు. తాను చెప్పినప్పుడు ఇంటికి రావాలని, తనకు లైంగిక కోరికలు తీర్చాలని ఆమెను వేధింపులకు గురిచేశాడు.

యువతి రానని చెప్పడంతో వీడియోలు, ఫోటోలు సోషల్ మీడియాలో పెడుతానని కరణ్ ఆమెను బ్లాక్ మెయిల్ చేశాడు. బాధితురాలు ధైర్యం చేసి కరణ్ మీద పోలీసులకు ఫిర్యాదు చేసింది. యువతి ఫిర్యాదు మేరకు పోలీసులు కేసు నమోదు చేసి పరారైన కరణ్ కోసం గాలిస్తున్నారు.

English summary

A 24 year old girl has been filed complaint in Gnan Bharti police station against a man who was became friend through Facebook and later taught her music at his house and allegedly raped her frequently.