రేప్ పార్టీ భగ్నం: 8మంది యువతుల అరెస్ట్

అజ్మీర్: ఓ రేవ్ పార్టీని పోలీసులు భగ్నం చేశారు. 8మంది అమ్మాయిలతోపాటు మొత్తం 17 మందిని పోలీసులు అదుపులోకి తీసుకున్నారు. దిగుమతి చేసుకున్న విదేశీ మద్యం, ఐదు లగ్జరీ కార్లు, భారీ మొత్తంలో నగదును రేవ్ పార్టీ నిర్వహిస్తున్న ఫాం హౌజ్ నుంచి స్వాధీనం చేసుకున్నారు. ఈ ఘటన రాజస్థాన్ రాష్ట్రంలోని అజ్మీర్ నగరంలో చోటు చేసుకుంది.

పోలీసులు తెలిపిన వివరాల ప్రకారం.. సంపన్న కుటుంబాలకు చెందిన అబ్బాయిలు, అమ్మాయిలు ఈ రేవ్ పార్టీలో పాల్గొని అసభ్య నృత్యాలు చేస్తున్నారు. ఈ మేరకు సమాచారం అందుకున్న పోలీసులు, రేవ్ పార్టీని భగ్నం చేశారు.

ఫాం హౌజ్ యజమాని ఆనంద్ గోయల్ ఈ రేవ్ పార్టీ నిర్వహించినట్లు పోలీసులు తెలిపారు. రేవ్ పార్టీలతోపాటు జైపూర్‌లో వ్యభిచారం నిర్వహిస్తున్నట్లు పోలీసులు చెప్పారు.

జైపూర్ నుంచి రూ. వెయ్యికి ఒప్పందం కుదుర్చుకుని ఈ రేవ్ పార్టీకి తీసుకొచ్చారని, వారందర్నీ అరెస్ట్ చేసినట్లు పోలీసులు తెలిపారు. కస్టమర్‌లా ఫాంహౌజ్‌కు వెళ్లిన పోలీసులు.. ఈ రేవ్ పార్టీని భగ్నం చేసి అందర్నీ అరెస్ట్ చేశారు.

English summary

A rave party was on Sunday night busted by Ajmer police in one of the posh areas of the city. 17 people including eight women were arrested from the farmhouse. Imported alcohol, five luxury cars and huge amount of cash was recovered.