Republic Day Parade: భారీ వర్షంలో రిపబ్లిక్‌ డే రిహార్సల్స్‌

దేశ రాజధానిలో చలి వణుకు పుట్టిస్తోంది.. ఆపై వరుణుడి జల్లులు కురుస్తున్నాయి. కానీ, భారత సైనిక వీరుల గుండెల్లో ఉన్న దేశభక్తి వేడి ముందు ఆ వర్షం చిన్నబోయింది. జనవరి 26న జరగబోయే 77వ గణతంత్ర దినోత్సవ వేడుకల(Republic Day 2026) కోసం శుక్రవారం కర్తవ్య పథ్‌లో నిర్వహించిన 'ఫుల్ డ్రెస్ రిహార్సల్' అద్భుతంగా సాగింది.

ఈ ఏడాది తొలిసారిగా ఢిల్లీలో భారీ వర్షం, ఉరుములు కురిశాయి. వెస్ట్రన్ డిస్టర్బెన్స్ కారణంగా వాతావరణంలో వచ్చిన ఈ మార్పు వల్ల రిహార్సల్స్ కాసేపు ఆలస్యమయ్యాయి. ఆకాశం దట్టమైన మేఘాలతో నిండిపోయినప్పటికీ, ఆర్‌పీఎఫ్ సిబ్బంది, త్రివిధ దళాల సైనికులు తడిసిన యూనిఫాంలతోనే అత్యంత క్రమశిక్షణతో కదం తొక్కారు. వీరుల అడుగుల చప్పుడుకు కర్తవ్య పథ్ మార్మోగిపోయింది.

వర్షాన్ని లెక్కచేయని శౌర్యం!

శుక్రవారం ఉదయం నుంచే ఢిల్లీలో ఉరుములతో కూడిన భారీ వర్షం కురిసింది. పరేడ్ మార్గమంతా వర్షపు నీటితో జారుడుగా మారింది. కానీ, మన సైనిక బృందాలు వెనకడుగు వేయలేదు. తడిసిన యూనిఫామ్స్, నీటితో నిండిన బూట్లతోనే త్రివిధ దళాల సైనికులు అత్యంత క్రమశిక్షణతో కదం తొక్కారు. భారీ ట్యాంకర్లు, అశ్వ దళాలు వర్షంలో తడుస్తూనే గంభీరంగా ముందుకు సాగడం అక్కడికి వచ్చిన సందర్శకులను మంత్రముగ్ధులను చేసింది. దేశభక్తి గీతాల నడుమ సాగిన ఈ కవాతు ప్రతి భారతీయుడి గుండె గర్వంతో ఉప్పొంగేలా చేసింది.

Republic Day 2026.. ఈసారి ప్రత్యేకతలు ఇవే!

వందేమాతరం థీమ్.. ఈ ఏడాది 'వందేమాతరం - 150 ఏళ్లు' థీమ్‌తో పరేడ్ సాగుతోంది. ఇందులో భాగంగా వివిధ రాష్ట్రాల సంస్కృతిని ప్రతిబింబించేలా 30 శకటాలను (Tableaux) ప్రదర్శించబోతున్నారు. అదే విధంగా ఈసారి పరేడ్‌లో మహిళా దళాల ప్రాతినిధ్యం (మహిళా శక్తి )హైలైట్‌గా నిలవనుంది.

యుద్ధ విమానాల విన్యాసాలు

వర్షం కారణంగా ఫ్లైపాస్ట్ (Flypast) లో స్వల్ప ఆటంకాలు కలిగినా, రాఫెల్ మరియు సుఖోయ్ విమానాలు మేఘాలను చీల్చుకుంటూ చేసే విన్యాసాలు ప్రయాణికులను మంత్రముగ్ధులను చేశాయి. ప్రతికూల వాతావరణం ఉన్నప్పటికీ దాదాపు 10,000 మందికి పైగా సందర్శకులు రిహార్సల్స్ చూడటానికి తరలివచ్చారు. రైన్‌కోట్లు ధరించి, ప్లాస్టిక్ షీట్లు కప్పుకుని మరీ పరేడ్‌ను తిలకించారు. "జై హింద్" నినాదాలతో ఢిల్లీ వీధులు హోరెత్తాయి.

ఈసారి పరేడ్‌లో ఐరోపా సమాఖ్య (EU) మెరుపులు!

ఈ ఏడాది రిపబ్లిక్ డే వేడుకలు రాజకీయంగా కూడా ఎంతో ప్రాధాన్యతను సంతరించుకున్నాయి. ముఖ్య అతిథులుగా ఐరోపా సమాఖ్య (EU) నేతలు హాజరవుతుండటంతో, వారి సైనిక బృందాలు కూడా ఈసారి భారత సైన్యంతో కలిసి కర్తవ్యపథ్‌లో కవాతు చేయనున్నాయి.

#NewDelhi: Full dress rehearsal of the #RepublicDayParade takes place on Kartavya Path in the national capital.

The rehearsal showcased India's rich heritage, military prowess, and cultural diversity at Kartavya Path.

As the nation gears up for the big day, the rehearsal… pic.twitter.com/0Kkinn5HIo

— All India Radio News (@airnewsalerts) January 23, 2026

English summary

Republic Day 2026 : Despite unseasonal rain and thunder in New Delhi, the 77th Republic Day full-dress rehearsal continued with full vigor. Watch how soldiers and performers braved the winter chill and rain at Kartavya Path for the January 26 celebrations.