వ్యక్తిగత జీవితాన్ని గౌరవించండి: కోహ్లీ-అనుష్కలపై యువరాజ్
ముంబై: ప్రపంచ కప్ టోర్నీ సెమీ ఫైనల్లో విఫలమైన భారత యువ ఆటగాడు విరాట్ కోహ్లీకి ఆల్ రౌండర్ యువరాజ్ సింగ్ ట్విట్టర్ ద్వారా తన మద్దతుగా తెలియజేశాడు. విరాట్ కోహ్లీ ఆస్ట్రేలియాతో జరిగిన సెమీ ఫైనల్ మ్యాచులో కేవలం ఒక పరుగు మాత్రమే చేసి ఔటైన సంగతి తెలిసిందే.
బాలీవుడ్ నటి, కోహ్లీ ప్రియురాలు అనుష్క శర్మ ఆ మ్యాచ్ జరుగుతున్న సిడ్నీ క్రికెట్ మైదానంలో ఉండటమే కోహ్లీ విఫలం కావడానికి కారణమని పలువురు సామాజిక మాధ్యమాల్లో దుయ్యబట్టారు. అయితే అభిమానులు ఈ విధంగా చేయడం సరికాదని 2011 ప్రపంచ కప్ హీరో యువరాజ్ అన్నాడు.
టోర్నీలో పాకిస్థాన్ జట్టుతో జరిగిన మ్యాచులో కోహ్లీ శతకంతో ప్రారంభించాడని, ఆ మ్యాచులో ధోనీ నేతృత్వంలోని టీమిండియా 76 పరుగులతో గెలిచిందని గుర్తు చేశాడు. ప్రపంచ కప్ టోర్నీలో పాకిస్థాన్తో జరిగిన మ్యాచులో సెంచరీ చేసిన ఏకైక భారత ఆటగాడు కోహ్లీ అని తెలిపాడు. అయితే తోర్నీలో తర్వాతి మ్యాచుల్లో కోహ్లీ అర్థ సెంచరీ కూడా చేయలేకపోయాడు.
క్వార్టర్ ఫైనల్లో బంగ్లాదేశ్పై గెలిచిన టీమిండియా.. ఆ తర్వాత సెమీ ఫైనల్లో ఆస్ట్రేలియా చేతిలో ఓటమి పాలైంది. ఈ మ్యాచులో కోహ్లీ భారీ స్కోరు చేస్తాడని ఆశించిన వారందరికీ ఒక పరుగుకే ఔటవడం తీవ్ర నిరాశకు గురిచేసింది. అంతేగాక, ఆ మ్యాచును వీక్షించేందుకు వచ్చిన కోహ్లీ ప్రియురాలు అనుష్క శర్మ కూడా స్టేడియంలో కూర్చుంది. ఇదే కొంపముంచిందని కొందరు అభిమానులు సామాజిక మాధ్యమాల్లో దుమ్మెత్తి పోశారు.
కాగా, కోహ్లీకి క్రికెట్, సినీ ప్రముఖుల నుంచే కాక, ప్రజల నుంచి కూడా మద్దతు లభించింది. ఇప్పటికే భారత మాజీ కెప్టెన్లు సౌరవ్ గంగూలీ, రాహుల్ ద్రావిడ్లు కోహ్లీకి అండగా నిలువగా.. ఇప్పుడు యువరాజ్ కూడా తన మద్దతును కోహ్లీకి తెలియజేశాడు.
ప్రస్తుతం టీమిండియాలో ఉన్న స్టార్ ఆటగాళ్లలో ఒకడైన విరాట్ కోహ్లీని, అతని వ్యక్తి జీవితాన్ని గౌరవించాలని యువరాజ్ అభిమానులను కోరారు. త్వరలోనే కోహ్లీ తన ఫాంను కొనసాగిస్తాడని, భారత విజయాల్లో కీలక భూమిక పోషిస్తాడని యువరాజ్ ఆకాంక్షించాడు.
To
all
our
real
Indian
fans
who
support
us
in
our
wins
and
loses
!
Let's
respect
@imVkohli
and
@AnushkaSharma
personal
life
—
yuvraj
singh
(@YUVSTRONG12)
March
29,
2015
Someone
who's
scored
5
hundreds
on
Aus
tour
deserves
much
more
respect
and
support
from
his
fans
!
—
yuvraj
singh
(@YUVSTRONG12)
March
29,
2015
I'm
sure
in
the
coming
times
he
will
shine
for
his
country
again
and
again
—
yuvraj
singh
(@YUVSTRONG12)
March
29,
2015