Ayodhya Ram Mandir: అయోధ్య రామమందిరం ప్రారంభం ఎప్పుడంటే..!

అయోధ్య రామమందిరం ప్రారంభ తేదీ వచ్చింది. జనవరి 22, 2023న ప్రధాని నరేంద్ర మోడీ రామ మందిరాన్ని ప్రారంభించనున్నారు. రామమందిర నిర్మాణం రెండేళ్లకు పైగా కొనసాగుతోంది. వచ్చే ఏడాది అయోధ్యలో జరగనున్న ఈ భారీ ప్రారంభోత్సవానికి ప్రధాని, వివిధ రాష్ట్రాల ముఖ్యమంత్రులు హాజరుకానున్నారు. ప్రాణ ప్రతిష్ఠకు వారం రోజుల ముందు నుంచే పూజల కార్యక్రమాన్ని ప్రారంభించనున్నారు.

ప్రస్తుతం అయోధ్యలో రాముడి ఆలయ నిర్మాణ పనులు కొనసాగుతున్నాయి. వర్గాల నుంచి అందుతున్న సమాచారం ప్రకారం ఆలయ నిర్మాణ పనులు అక్టోబర్ నాటికి పూర్తవుతాయి. అప్పటికి రాముడి గర్భ గుడి సిద్ధమవుతుంది. జనవరి 22న ఈ మహా మందిరంలో రాముడు కొలువై ఉంటాడు. అయోధ్యలోని ఇతర మఠాలు, ఆలయాలు రామ మందిర్ ప్రారంభోత్సవం సందర్భంగా వచ్చే సాధువులు, రామభక్తుల బస, ఆహారం కోసం తమ దేవాలయాలలో పూర్తి ఏర్పాట్లు చేస్తామని చెప్పారు. ప్రతి ఒక్కరికీ వసతి, భోజన ఏర్పాట్లు పూర్తి చేయనున్నారు.

రామ మందిర్ ప్రారంబోత్సవానికి కార్యక్రమానికి వచ్చే భక్తులకు సుమారు నెలరోజుల పాటు ఉచితంగా భోజనం అందించాలని ట్రస్ట్ యోచిస్తోంది. జనవరిలో గర్భగుడిలో రాముడి పట్టాభిషేకం సందర్భంగా ట్రస్ట్‌ ద్వారా రోజూ 75 వేల నుంచి లక్ష మంది భక్తులకు నెల రోజుల పాటు అన్నదానం చేయనున్నట్లు తెలుస్తోంది. రామ మందిరం ప్రారంభోత్సవం పై యూపీ సీఎం యోగి, ప్రధాని మోదీ భేటీ అయ్యారు.

అయోధ్యలో రామమందిరం కోసం జరుగుతున్న ఏర్పాట్లపై సెప్టెంబర్ 5న ఢిల్లీలో సీఎం యోగి, ప్రధాని మోదీ మధ్య సమావేశం జరిగింది . ఆలయ ఏర్పాట్లకు సంబంధించి సీఎం యోగి ప్రధాని మోడీకి ప్రెజెంటేషన్ ఇచ్చారు. రామమందిరం మ్యూజియంతో సహా అయోధ్య అభివృద్ధి, రామమందిర ప్రారంభానికి సన్నాహాలు గురించి సమాచారం అందించారు. సీఎం యోగి స్వయంగా నెలకు పలుమార్లు అయోధ్యలో తనిఖీలు, సమావేశాలు నిర్వహిస్తున్నారు.

English summary

rime Minister Narendra Modi will inaugurate the Ayodhya Ram Temple on January 22, 2023