బీజేపీ షాక్, మంత్రి డీకే ఇంటిలో రెండో రోజు ఐటీ సోదాలు, లాకర్ల పాస్ వర్డ్ తెలీదు. అంతేనా?

బెంగళూరు: కర్ణాటక విద్యుత్ శాఖ మంత్రి డీకే. శివకుమార్ ఇంటిలో రెండో రోజూ (గురువారం) ఆదాయపన్ను శాఖ (ఐటీ) అధికారులు సోదాలు చేస్తున్నారు. బుధవారం అర్దరాత్రి వరకు మంత్రి డీకే శివకుమార్ ఇంటిలో సోదాలు చేసిన అధికారులు రాత్రి అక్కడే మకాం వేశారు.

గురువారం వేకువ జామున మళ్లీ సోదాలు మొదలు పెట్టారు. రాత్రి ఇంటి నుంచి బయటకు వెళితే మొత్తం తారుమారు అయ్యే అవకాశం ఉందని అనుమానం వ్యక్తం చేసిన ఐటీ శాఖ అధికారులు అక్కడే ఉన్నారని తెలిసింది. రాత్రి హోటల్ నుంచి బోజనం తెప్పించుకుని అక్కడే ఆరగించారు.

మంత్రి డీకే. శివకుమార్ ఇంటిలో మొత్తం ఐదు లాకర్లు ఉన్నాయని, వాటిలో ఇంకా మూడు లాకర్లు తెరవలేదని సమాచారం. ఐదు లాకర్లపైకి రెండు లాకర్ల పాస్ వార్డ్ మాత్రమే డీకే. శివకుమార్ చెప్పారని, మరో మూడు లాకర్ల పాస్ వర్డ్ చెప్పలేదని తెలిసింది.

బెంగళూరు నగరంలోని చామరాజపేటలో డీకే శివకుమార్ కు బ్యాంకు అకౌంట్ ఉంది. ఆ బ్యాంక్ అకౌంట్ పూర్తి వివరాలను ఆదాయపన్ను శాఖ అధికారులు సేకరించారని సమాచారం. మూడు లాకర్ల పాస్ వర్డ్ చెప్పకపోవడంతో ఆదాయపన్ను శాఖ అధికారులు నానా తంటాలు పడుతున్నారని కన్నడ మీడియాలో వార్తలు ప్రసారం అవుతున్నాయి.

డీకే. శివకుమార్ ఇంటిలో పూర్తి సమాచారం చేసకరించాలంటే ఎంత సమయం పడుతుందో తెలీదని ఓ అధికారి అంటున్నారు.

English summary

On Wednesday, August 2, 2017 morning the Income Tax department raided the residence of Karnataka power minister DK Shivakumar. Department continued their raids for the second day