ఆరేళ్లుగా శివసేన నేత లైంగిక దాడి: స్టేజ్ డ్యాన్సర్ ఫిర్యాదు

ముంబై: శివసేన పార్టీకి చెందిన నేత పైన రేప్ కేసు నమోదయింది. ఖార్గర్‌కు చెందిన 24 ఏళ్ల మహిళ ఫిర్యాదు మేరకు సీబీడీ పోలీసులు బుధవారం సాయంత్రం కేసు నమోదు చేసుకున్నారు. 376 తదితర సెక్షన్ల కింద శివసేన నేత విజయ్ పైన కేసు నమోదు చేశారు.

బాధితురాలి పోలీసులకు తెలిపిన వివరాల మేరకు... నేవీ ముంబై జిల్లా శివసేన చీఫ్ విజయ్ చోగ్లే గత ఆరేళ్లుగా, పలు సందర్భాల్లో తనను లైంగిక దాడికి పాల్పడ్డాడని ఫిర్యాదు చేసింది.

దీనిపై పోలీసు ఇన్స్‌పెక్టర్ విజయ్ తయాడే మాట్లాడుతూ.. బాధిత యువతి స్జేజీల పైన డ్యాన్స్ చేస్తుందని చెప్పారు. లైంగికంగా వేధించినట్లు ఎవరికైనా చెబితే తీవ్ర పరిణామాలు ఉంటాయని తనను అతను హెచ్చరించాడని బాధితురాలి చెప్పిందని పోలీసులు తెలిపారు.

ఇటీవల సీబీడీ బెలాపూర్‌లో తనను వేధించినట్లు ఆమె చెప్పింది. బాధితురాలి ఫిర్యాదు మేరకు సీబీడీ పోలీసు స్టేషన్లో కేసు నమోదయింది. కాగా, మహిళ ఫిర్యాదు నేపథ్యంలో సాక్ష్యాధారాల కోసం చూస్తున్నామని పోలీసులు ఈ సందర్భంగా చెప్పారు.

English summary

Acting on a police complaint lodged by a 24-year-old woman from Kharghar, the CBD police on Wednesday evening registered a rape case under Section 376 of the IPC against Vijay.