తల్లేనా?: ఏడాదిన్నర కొడుకును విసిరేసి, చెప్పుతో కొట్టి, తొక్కేసింది(వీడియో)

ఢిల్లీకి చెందిన షబ్నం అనే మహిళ తన 18నెలల బాబు పట్ల రాక్షసంగా ప్రవర్తించింది.

ఢిల్లీ: అమ్మంటే తమ సంతానాన్ని ఎంతో ప్రేమగా చూసుకుంటుంది. తనకు ఎన్ని కష్టాలు ఎదురైనా వారి సుఖసంతోషాలత కోసం పరితపిస్తుంది. కానీ, దేశ రాజధానిలో జరిగిన ఘటన చూస్తే మాత్రం ఆ మహిళ అసలు తల్లేనా? అనే సందేహం కలగకమానదు.

ఢిల్లీకి చెందిన షబ్నం అనే మహిళ తన 18నెలల బాబు పట్ల రాక్షసంగా ప్రవర్తించింది. సీసీ కెమెరాల్లో రికార్డవడంతో ఆమె కర్కశత్వం వెలుగుచూసింది. ఆ వీడియోలో షబ్నం..
ఆ బాబును నేలకు విసిరికొట్టి.. కాలికి ఉన్న చెప్పు తీసి కర్కశంగా కొట్టింది. అంతటితో ఆగకుండా, పలుమార్లు బాబును కాలితో తొక్కేసింది.

అభంశుభం తెలియని ఆ బాబు.. నొప్పిని తట్టుకోలేక విలవిలలాడిపోయాడు. వెంటనే కుటుంబంలోని మరో మహిళ వచ్చి ఆ బాబును తీసుకెళ్లింది. కాగా, షబ్నం రాక్షసత్వంపై ఆమె అత్తామామలు ఢిల్లీ కమిషన్‌ ఆఫ్‌ ఉమెన్‌కు ఫిర్యాదు చేశారు. ప్రస్తుతం ఆ సీసీ ఫుటేజీ ఇంటర్నెట్‌లో వైరల్‌గా మారింది. ఈ వీడియో చూసిన నెటిజన్లు షబ్నంపై తీవ్ర ఆగ్రహం వ్యక్తం చేస్తున్నారు.

English summary

A CCTV footage showing a mother thrashing her one and a half year old child has shocked women rights commission in the national capital. Members of the Delhi women's commission rushed to Geeta Colony in Delhi after family members informed them of the torment the little child was undergoing.