Sikkim & Arunachal Pradesh Election Results LIVE: ఈ రెండు రాష్ట్రాల్లో అధికారంలోకి వచ్చేదెవరు?

Sikkim, Arunachal Pradesh election results 2024 live updates: దేశంలో సార్వత్రిక ఎన్నికల సందడి ముగిసింది. నేడు ఎనిమిది రాష్ట్రాలు/కేంద్ర పాలిత ప్రాంతాల్లో చివరి విడత లోక్‌సభ ఎన్నికల పోలింగ్ ప్రక్రియ పూర్తయింది. ఇక జూన్ 4వ తేదీన వెలువడబోయే ఎన్నికల ఫలితాలపైనే అందరి దృష్టీ నిలిచి ఉంది.

అంతకంటే ముందే- రెండు రాష్ట్రాల్లో జరిగిన అసెంబ్లీ, లోక్‌సభ ఎన్నికల ఫలితాలు ఆదివారం నాడే వెల్లడి కానున్నాయి. అరుణాచల్ ప్రదేశ్, సిక్కిం అసెంబ్లీకి జరిగే ఎన్నికల ఓట్ల లెక్కింపు తేదీలను గతంలోనే సవరించింది కేంద్ర ఎన్నికల కమిషన్. ముందుగా విడుదల చేసిన షెడ్యూల్ ప్రకారం- ఈ రెండు రాష్ట్రాల్లో జూన్ 4వ తేదీన అంటే మంగళవారం నాడు ఓట్ల లెక్కింపు ప్రక్రియను చేపట్టాల్సి ఉంది.

ఈ తేదీని ముందుకు జరిపింది ఈసీ. జూన్ 2వ తేదీన అంటే ఆదివారం నాడు అరుణాచల్ ప్రదేశ్, సిక్కింలల్లో ఓట్ల లెక్కింపును చేపట్టనున్నట్లు తెలియజేసింది. మొత్తం 60 లోక్‌సభ స్థానాలు ఉన్న అరుణాచల్ ప్రదేశ్‌లో బీజేపీ- నేషనల్ పీపుల్స్ పార్టీ సంకీర్ణ కూటమి అధికారంలో ఉంది.

అలాగే- 32 అసెంబ్లీ నియోజకవర్గాలు ఉన్న సిక్కింలో బీజేపీ- సిక్కిం క్రాంతికారి పార్టీ కూటమి ప్రభుత్వం కొనసాగుతోంది. ఈ రెండు పార్టీలు కూడా తమ అధికారాలను నిలబెట్టుకుంటాయా? లేదా?అనేది ఆదివారం తేలిపోతుంది. వాటి కౌంటింగ్‌కు సంబంధించిన పూర్తి వివరాలు మినిట్ టు మినిట్ మీ కోసం..

English summary

Sikkim Arunachal Pradesh loksabha Assembly election results 2024 live updates in telugu.