సోనియా ప్రసంగిస్తుండగా.. నమాజ్ పిలుపు.. వెంటనే ఏంచేశారంటే?

సోనియా ప్రసంగం కొనసాగుతున్న సమయంలో.. దూరం నుంచి ఆవాజ్(నమాజ్ పిలుపు) వినిపించింది. దీంతో వెంటనే తన చీర కొంగును తల మీదుగా కప్పుకున్నారు సోనియా.

అలహాబాద్ : దేశంలో తన ప్రాబల్యాన్ని ఇప్పటికే చాలావరకు కోల్పోయిన కాంగ్రెస్.. వచ్చే ఉత్తరప్రదేశ్ ఎన్నికల్లో ఎలాగైనా సత్తా చాటాలని చూస్తోంది. ఇప్పటికే 26ఏళ్లుగా యూపీలో అధికారానికి నోచుకోలేదు కాంగ్రెస్. ఈ దఫా అయినా ఉత్తరప్రదేశ్ లో పాగా వేయాలని ప్రయత్నిస్తోంది.

ఈ నేపథ్యంలోనే తాజాగా ఉత్తర్‌ప్రదేశ్‌లో జరిగిన ఛాయా చిత్ర ప్రదర్శన ఆవిష్కరణ కార్యక్రమంలో పాల్గొన్నారు సోనియా. ఇందిరాగాంధీ శత జయంతి ఉత్సవాల ప్రారంభం సందర్భంగా ఈ కార్యక్రమం నిర్వహించారు. ఈ సందర్బంగా సోనియా ప్రసంగిస్తున్న సమయంలో.. ఓ ఆసక్తికర పరిణామం చోటు చేసుకుంది.

సోనియా ప్రసంగం కొనసాగుతున్న సమయంలో.. దూరం నుంచి ఆవాజ్(నమాజ్ పిలుపు) వినిపించింది. దీంతో వెంటనే తన చీర కొంగును తల మీదుగా కప్పుకున్నారు సోనియా. ఆ తర్వాత ప్రసంగం కొనసాగించారు. అయితే నమాజ్ పిలుపు విని సోనియా అలా స్పందించి ఉంటారా.. లేక కాకతాళీయంగానే జరిగి ఉంటుందా అనేదానిపై స్పష్టత లేదు. ఏదేమైనా ఈ పరిణామం అక్కడున్న ముస్లింలను ఆకట్టుకున్నట్టుగా తెలుస్తోంది. ప్రస్తుతం యూపీలో 30శాతం ముస్లిం జనాభా ఉండగా.. రాబోయే ఎన్నికల్లో వీరి ఓటు బ్యాంకు కీలకం కానుంది.

English summary

Congress president Sonia Gandhi was attended to Indhira gandhi 100years birthday celebrations. While she giving speech an interesting incident took place