క‌ర్ణాట‌క‌లో వింత‌.. 25 వేళ్ల‌తో శిశువు జ‌న‌నం..

ఇప్ప‌టి వ‌ర‌కు ఆరు వేళ్ల‌తో పుట్టిన పిల్ల‌ల‌ను చూశాం. కానీ ఈ శిశువు మాత్రం ఏకంగా 25 వేళ్ల‌తో జ‌న్మించింది. ఈ అసాధార‌ణ‌మైన ల‌క్ష‌ణాన్ని క‌లిగి ఉన్న ఆడ‌ శిశువు క‌ర్ణాట‌క రాష్ట్రంలోని బాగల్‌కోట్‌ జిల్లాలో పుట్టింది. రాష్ట్రంలోని బాగల్‌కోట్‌ జిల్లాలో ఓ మహిళకు వింత శిశువు జన్మించింది. రబకావి బన్‌హట్టి పట్టణంలోని సన్‌షైన్ ఆసుపత్రిలో ఓ మహిళ ఆడ పిల్లకు జన్మనిచ్చింది. అయితే, ఆ చిన్నారి అంద‌రి పిల్ల‌లా కాకుండా కాస్త వింత‌గా ఉంది. ఆ చిన్నారి చేతికి 12 వేళ్లు, కాళ్లకు 13 వేళ్లతో పుట్టింది. దాంతో ఆ చిన్నారిని చూసేందుకు జ‌నం ఆసుప‌త్రి ఎదుట ఎగబడుతున్నారు.

ఇక‌, ఈ వింత శిశువు జ‌న‌నంపై డాక్ట‌ర్‌ని ప్ర‌శ్నించ‌గా.. క్రోమోజోముల్లో అసమతుల్యత వల్ల ఒక్కోసారి ఇలా జరుగుతుందని, ఇలాంటి ఘటనలు చాలా అరుదుగా వ‌స్తుంటాయ‌ని, ఆసుపత్రిలోని గైన‌కాల‌జిస్ట్‌ డాక్టర్ పార్వతి హిరేమత్ వివ‌రించారు. అయితే, తల్లీపిల్లలు ఇద్దరికీ ఎలాంటి స‌మ‌స్య‌లు లేవ‌ని, వారిద్ద‌రూ క్షేమంగా ఉన్నార‌ని డాక్ట‌ర్ వివ‌రించారు. అయితే, ఆ చిన్నారిని చూసి ఆ కుటుంబ‌స‌భ్యులు ఆశ్చ‌ర్య‌పోయారు. ఆ శిశువుకు భార‌తి అనే నామ‌క‌ర‌ణం కూడా చేశారు. ఈ సంద‌ర్శంగా ఆ శిశువు తండ్రి త‌న భావోద్వేగాన్ని పంచుకున్నారు.

పిల్ల‌ల కోసం తాము ఎంతో కాలంగా ఎదురుచూస్తున్నామ‌ని.. పెళ్ల‌యిన చాలా సంవ‌త్స‌రాల‌కు సంతానం క‌లుగక‌పోతే, త‌న భార్య కుందరిగి ఎన్నో పూజ‌లు చేసింది. చివ‌ర‌కు సురగిరి హిల్స్‌ ఆలయంలో శ్రీ భువనేశ్వరీదేవి శక్తిపీఠం ఆల‌యంలో ఎన్నో పూజలు చేసిందని, ఆ అమ్మవారి అనుగ్రహంతోనే మాకు ఇలాంటి శిశువు జన్మించిందని ఆయ‌న చెప్పారు. దేశంలో ఇలాంటి వింత ఘ‌ట‌న‌లు చాలానే జ‌రుగుతున్నాయి. గతేడాది రాజస్థాన్ రాష్ట్రంలోని ఇలాంటి వింత ఘ‌ట‌నే ఒక‌టి చోటుచేసుకుంది. ఓ చిన్నారి పుట్టుక‌తోనే 26 వేళ్లతో జన్మించి అంద‌రినీ ఆశ్చ‌ర్యానికి గురిచేసింది. ఇప్ప‌డు మ‌రోసారి ఇలాంటి వింత ఘ‌ట‌న క‌ర్ణాట‌క‌లో చూస్తున్నాం.

English summary

A strange incident took place in the state of Karnataka. A woman gave birth to a strange baby at Sunshine Hospital in Banhatti town. The baby was born with 12 fingers and 13 toes. People are coming to see that little girl