సునంద పుష్కర్ హత్య: కుమారుడిని ప్రశ్నించిన పోలీసులు

న్యూఢిల్లీ: మాజీ కేంద్ర మంత్రి, కాంగ్రెసు పార్లమెంటు సభ్యుడు సునంద పుష్కర్ హత్య కేసులో ఢిల్లీ పోలీసులు గురువారంనాడు ఆమె కుమారుడు శివ మీనన్‌ను ప్రశ్నించారు. మీనన్ దేశంలో లేకపోవడంతో సునంద పుష్కర్ కుమారుడు శివ మీనన్‌లు పోలీసులు ఇంత కాలం విచారించలేకపోయారు. సునంద పుష్కర్ హత్య కేసులో ప్రత్యేక దర్యాప్తు బృందం (సిట్) ఇప్పటి వరకు 15 మందిని ప్రశ్నించింది.

కేసుకు సంబంధించి శివ మీనన్ కొత్త విషయాలు చెప్పగలరని భావిస్తున్నట్లు, దర్యాప్తునకు సహకరిస్తారని అనుకుంటున్నట్లు ఢిల్లీ పోలీసు కమిషనర్ బిఎస్ బస్సీ అంతకు ముందు అన్నారు. శివ మీనన్ పోలీసుల విచారణకు వచ్చారని, విచారణ జరుగుతోందని ఆయన అన్నారు.

ఇప్పటి వరకు ఢిల్లీ పోలీసులు సునంద పుష్కర్ హత్య కేసులో శశిథరూర్‌నే కాకుండా ఆయన కార్యాలయ ఉద్యోగులను, మిత్రులను విచారించారు. సమాజ్‌వాదీ మాజీ నేత అమర్ సింగ్‌ను, సీనియర్ జర్నలిస్టు నళినీ సింగ్‌ను కూడా పోలీసులు విచారించారు.

సునంద పుష్కర్ నిరుడు జనవరి 17వ తేదీ దక్షిణ ఢిల్లీలోని ఓ ఫైవ్ స్టార్ హోటల్ గదిలో మరణించారు. అంతకు ముందు రోజు ఆమె పాకిస్తానీ జర్నలిస్టు మెహర్ తరార్‌తో మైక్రో బ్లాగింగ్ వెబ్‌సైట్‌ ట్విట్టర్‌లో వివాదానికి దిగారు. ఆమెతో తన భర్త థరూర్‌కు సంబంధం ఉందనే ఆరోపణతో పుష్కర్ ఆమెతో గొడవ పెట్టుకున్నారు.

English summary

Sunanda Pushkar's son Shiv Menon is being questioned by the Delhi Police in connection with her murder on Thursday.