'పోర్న్ స్టార్‌గా పని చేసిందని.., సన్నీలియోన్‌ను అలా చూస్తే తప్ప మార్పురాదు!'

అహ్మదాబాద్: పోర్న్ స్టార్ సన్నీలియోన్‌ను బాలీవుడ్ నటీమణులు మాధురీ దీక్షిత్, నర్గీస్‌లతో పోల్చారు గుజరాత్ పటీదార్ నేత హార్దిక్ పటేల్. ఆయన విలేకరులతో మాట్లాడుతూ.. పోర్న్‌స్టార్ స్థాయి నుంచి బాలీవుడ్‌కు వచ్చిన సన్నీని నర్గీస్, శ్రీదేవి, మాధురి దీక్షిత్‌ల మాదిరి ఎందుకు చూడలేకపోతున్నామని ప్రశ్నించారు.

తెరపై ఆమెను తప్పుగా ఎందుకు చూడాల్సి వస్తోందన్నారు. మన ఆలోచనా విధానం మారాలని హితవు పలికారు. సన్నీలియోన్‌ను ఆమె గతం నాటి దృష్టితోనే చూస్తే దేశంలో ఎప్పటికీ మార్పు రాదన్నారు.

ఓటర్లకు రాజకీయాలపై అవగాహన కల్పించేందుకు హార్దిక్‌ జులై నుంచి మధ్యప్రదేశ్‌లో పాదయాత్ర చేయనున్నారు. ఈ సందర్భంగా తన యాత్రకు సంబంధించిన విషయాలను వెల్లడించేందుకు మీడియాతో మాట్లాడారు. మీడియాతో సమావేశం సందర్భంగా ఓ విలేకరి.. సన్నీలియోన్ గురించి ఓ ప్రశ్న వేశారు.

సన్నీ లియోనీపై మీ అభిప్రాయమేంటి? అని హార్దిక్‌ను అడిగారు. దీనికి హార్దిక్‌ స్పందించారు. 'సన్నీలియోనీని ఇతర నటీనటుల లాగా ఎందుకు చూడరు? నర్గిస్, శ్రీదేవి, మాధురి దీక్షిత్‌లాంటి నటే సన్నీ లియోనీ కూడా. గతంలో ఆమె పోర్న్‌స్టార్‌గా పని చేసిందని ఇప్పుడు కూడా ఆమెను తప్పుడు దృష్టితో చూడటం సరికాదు. ఒకవేళ మన ఆలోచనా విధానం మారకపోతే దేశం ఎప్పటికీ మారదు' అన్నారు.

English summary

Sunny Leone has found a supporter in Patidar quota leader Hardik Patel who on Sunday said she deserved respect, irrespective of her past, like any other Bollywood actress.