మైనర్ బాలికపై రేప్, అబార్షన్ కోసం రూ. 2 లక్షలు

న్యూఢిల్లీ: ఓ మైనర్ బాలికను రేప్ చేసి అబార్షన్ కోసం రూ. 2 లక్షలు తీసుకోవాలంటూ పంచాయితీ పెద్దలు ఇచ్చిన తీర్పునిచ్చిన ఘటన బీహార్‌లో జరిగింది. పోలీసులు వెల్లడించిన కధనం ప్రకారం బీహార్‌లోని ముజఫర్ జిల్లాలోని కంతి పోలీస్ స్టేషన్‌లో పరిధిలో సుబంకాపూర్ అనే గ్రామంలో ఈ ఘటన చోటుచేసుకుంది.

అరుణ్ భగత్ అనే వ్యక్తి 13 ఏళ్ల బాలికపై అత్యాచారం చేయడంతో ఈ విషయం ఆ గ్రామంలో ఉన్న పంచాయితీ వద్దకు వెళ్లింది. దీంతో పంచాయితీలో పెద్దలు బాధితురాలికి రూ. 2 లక్షలు నష్ఠపరిహారంగా ఇవ్వమని చెప్పి, ఆ డబ్బు పెట్టి బాధితురాలిని అబార్షన్ చేయించుకోవాల్సిందిగా తీర్పునిచ్చారు.

దీనిపై మండిపడ్డ బాధితురాలి తల్లిదండ్రులు మంగళవారం పంచాయితీ పెద్దలు ఇచ్చిన తీర్పును కాదని, నిందితుడికి శిక్షపడాలంటూ పోలీసులను ఆశ్రయించారు. రంగంలోకి దిగిన పోలీసులు కేసు నమోదు చేసి దర్యాప్తు ప్రారంభించినట్లు తెలిపారు. ఈ కేసుపై ముజఫర్ సీనియర్ సూపర్‌డెంట్ ఆఫ్ పోలీస్ జితేంద్ర రాణా మాట్లాడుతూ "మంగళవారమే కేసు నమోదు చేశామని, నిందితుడిని అతిత్వరలో పట్టుకుంటామని, పంచాయితీ పెద్దలపై చర్య తీసుకుంటాం" అని అన్నారు.

English summary

A panchayat in Bihar has ordered a minor rape victim to take Rs 2 lakh and undergo abortion, police said on Wednesday.