ప్రతి రోజూ తండ్రి రేప్: తల్లి అయిన కూతురు
చెన్నై: తమిళనాడు రాష్ట్రంలో ఓ తండ్రి వావివరుసలు కూడా మరిచి కళ్లు కామంతో మూసుకుపోయి దారుణమైన చర్యకు పాల్పపడ్డాడు. కూతురినే తన కామానికి బలి చేశాడు. ప్రతి రోజు రాత్రి కూతురిపై అత్యాచారం చేసి చిన్నవయసులోనే తల్లిని చేశాడు.
మైనారిటీ తీరకముందే ఆ బాలిక విషాద సముద్రంలో మునిగిపోయింది. తమిళనాడులోని కర్కాల ప్రాంతానికి చెందిన ఓ వ్యక్తి (45) కొన్నాళ్ల క్రితం భార్యతో విడిపోయాడు. వారి ముగ్గురు కూతుళ్లలో ఇద్దరు తల్లి వద్ద ఉంటుండగా, మరొక బాలిక తండ్రి చెంతకు చేరింది.
అతను రోజువారి కూలీగా పనిచేస్తుంటాడు. ఇంకా మేజర్ కూడా కాని కూతురిపై పలుసార్లు అత్యాచారం చేశాడు. ప్రతీరోజు రాత్రిపూట శృంగారంలో పాల్గొనేవాడు. ఆ ఇద్దరూ కలిసి వేరే ఊరు వెళ్లినా అక్కడ కూడా అత్యాచారం చేసేవాడు. దీంతో ఆ బాలిక గర్భం దాల్చింది.
అయినా అతని మనసు మారలేదు. ఆ బాలికను బయట తిరగకుండా నిర్బంధించాడు. ఇటీవలె ఆ బాలిక ఓ బిడ్డకు జన్మనిచ్చింది. అయినా ఈ విషయం చుట్టుపక్కల వాళ్లకు తెలియకుండా జాగ్రత్తపడ్డాడు. అయితే ఆ ఇంట్లోంచి ఏడుపు వినబడడంతో ఓ వ్యక్తి విషయం తెలుసుకుని చైల్డ్ హెల్ప్లైన్కు ఫిర్యాదు చేశాడు. దీంతో గుట్టు రట్టయింది. ఆ వ్యక్తిని పోలీసులు అరెస్టు చేసి ఆ బాలికను ఆస్పత్రికి తరలించారు.
Click it and Unblock the Notifications
Sign in with Google