మీ దగ్గర రూ.10 లక్షలు ఉంటే ఐటీ కన్ను మీమీద పడినట్లే..

ఇకమీదట రూ.10 లక్షలు, అంతకుమించిన లావాదేవీల సమాచారాన్ని బ్యాంకులు ఇతర ఆర్థిక సంస్థలే నేరుగా ఆదాయపన్ను (ఐటీ) విభాగానికి తెలియజేయాల్సి ఉంటుంది.

ఢిల్లీ: ఇకమీదట డిపాజిట్లుగానీ, క్రెడిట్ కార్డుల బిల్లుల చెల్లింపులుగానీ, లేదంటే ఇతర ఆస్తి లావాదేవీలుగానీ.. ఏవైనా సరే రూ.10 లక్షలు, అంతకుమించితే.. ఆ సమాచారాన్ని బ్యాంకులు, ఇతర ఆర్థిక సంస్థలే నేరుగా ఆదాయపన్ను (ఐటీ) విభాగానికి తెలియజేయాల్సి ఉంటుంది.

సమాచారం పంపడానికి వీలుగా ఆదాయపు పన్ను శాఖ 'ఈ-వేదిక'ను ఏర్పాటు చేసింది. ఈ మేరకు నిబంధనావళిని పంపించింది. ఇవన్నీ ఒక ఆర్థిక సంవత్సరంలో ఒక వ్యక్తి జరిపే లావాదేవీలకే వర్తిస్తాయి.

* ఒక ఆర్థిక సంవత్సరంలో ఒక వ్యక్తికి చెందిన ఒక బ్యాంకు ఖాతాలోగానీ, లేదా వేర్వేరు బ్యాంకుల్లో ఉన్న ఖాతాల్లోగానీ (ఎన్ని ఉంటే అన్నీ కలిపి) రూ.10 లక్షలు, అంతకుమించి నగదు జమ అయితే... (ఫిక్సడ్ డిపాజిట్లు, కరెంటు అకౌంట్ లు కాకుండా)

* ఒకరి పేరున రూ.10 లక్షలు, అంతకుమించి ఫిక్సిడ్ డిపాజిట్ చేసినా.. (అప్పటికే ఉన్న ఫిక్సిడ్ డిపాజిట్లను నవీకరణ చేస్తే ఇది వర్తించదు)

* క్రెడిట్ కార్డు బిల్లు కింద రూ.1 లక్ష నగదు చెల్లించినా...

* క్రెడిట్ కార్డు బిల్లు చెల్లింపులకు మొత్తం రూ.10 లక్షల మేర చెక్కులు ఇచ్చినా, నగదు బదిలీ చేసినా...

* నోట్ల రద్దు తరువాత నవంబరు 9 నుంచి డిసెంబరు 30 వరకు ఒక వ్యక్తికి చెందిన అన్ని ఖాతాల్లో రూ.2.5 లక్షలకు మించి జమ చేసినా...

* నోట్ల రద్దు తరువాత నవంబరు 9 నుంచి డిసెంబరు 30 వరకు కరంట్ అకౌంట్లలో రూ.12.5 లక్షలు జమ చేసినా...

* గత ఏడాది ఏప్రిల్ 1 నుంచి నవంబరు 9 వరకు ఏ ఖాతాకు సంబంధించినవైనా నివేదించదగిన ఆధారాలు ఉంటే...

* కంపెనీలు, ఇతర ఆర్థిక సంస్థల విషయానికి వస్తే... ఏ వ్యక్తి అయినా రూ.10 లక్షల బాండ్లు, డిపాజిట్ల కొనుగోలు చేసినా...

* 10 లక్షలకు మించి మ్యూచువల్ ఫండ్లు, బైబ్యాక్ షేర్లు తీసుకున్నా...

* రూ.10 లక్షల విదేశీ ద్రవ్యం (ట్రావెలర్ చెక్కు, ఫారెక్స్ కార్డు సహా) కొనుగోలు చేసినా...

* రిజిస్ట్రార్లకు సంబంధించినంత వరకు... రూ.30 లక్షల స్థిరాస్థిని అమ్మినా, కొనుగోలు చేసినా.. ఆ సమాచారం నేరుగా ఆదాయపు పన్ను విభాగానికి పంపించాల్సిందే.

English summary

Income tax authorities have set up an e-platform through which banks and other institutions can report the transactions to them. From bank deposits to credit card bill payments to property transactions, financial institutions and other entities have to report transactions above a certain threshold to the income tax department. A January 17 notification from the tax department lists the financial transactions that have to be reported. Income tax authorities have set up an e-platform through which banks and other institutions can report the transactions to them.