Tamilnadu: స్టాలిన్ కు మళ్లీ దొరికిన బీజేపీ..! తమిళిసై గగ్గోలు..!

తమిళనాడు(Tamilnadu)లో అసెంబ్లీ ఎన్నికలకు రంగం సిద్ధమవుతున్న వేళ మరోసారి హిందీ రాజకీయాలు తెరపైకి వచ్చాయి. అసలే రాష్ట్రంలో ఏదో విధంగా ఉనికి చాటుకునేందుకు ప్రయత్నిస్తున్న బీజేపీ.. రైల్వేశాఖ చేసిన ఓ పొరబాటుతో ఇరుకునపడింది. ఇదే అదనుగా సీఎం ఎంకే స్టాలిన్ చెడుగుడు ప్రారంభించారు. ఇది గుర్తించిన బీజేపీ నేత తమిళి సై సౌందరరాజన్ వెంటనే రైల్వేమంత్రి జోక్యం కోరారు. దీంతో రైల్వేశాఖ ఇప్పుడు ఏం చేయబోతోందన్నది ఆసక్తికరంగా మారింది.

తమిళనాడులో కొత్తగా నిర్మించిన తిరుచ్చి జోనల్ రైల్వే కార్యాలయం ప్రవేశద్వారం వద్ద కర్తవ్య ద్వార్ పేరుతో ఓ పేరుతో నేమ్ ప్లేట్లు పెట్టారు. వీటిని హిందీ, తమిళ, ఇంగ్లీష్ భాషల్లో పెట్టారు. దీంతో కర్తవ్య ద్వార్ అనే తమిళులకు అర్దం కాని పెట్టడమే కాకుండా దాన్ని మూడు భాషల్లో ముద్రిస్తారా అంటూ వారు భగ్గుమంటున్నారు. తమిళం మాట్లాడే ప్రాంతంలో హిందీని రుద్దుతున్నారనే విమర్శలకు ఇది కారణమవుతోంది. దీనిపై సీఎం స్టాలిన్ జోక్యం చేసుకుని ట్వీట్ చేశారు.

பா.ஜ.க. அரசின் இந்தித் திணிப்பு: நுழைவு வாயிலிலேயே வாயில் நுழையாத பெயர்!

இந்தித் திணிப்பு வெறியில் எல்லை மீறிச் சென்று கொண்டிருக்கிறது பா.ஜ.க.!

'மொழி ஒன்று - வரிவடிவம் மூன்று' எனும் வகையில் இந்திப் பெயரையே தமிழ், ஆங்கிலத்திலும் எழுதி வைக்கும் இழிவான #HindiImposition செயலில்… pic.twitter.com/rJdLSyyQsc

— M.K.Stalin - தமிழ்நாட்டை தலைகுனிய விடமாட்டேன் (@mkstalin) March 4, 2026

తమిళనాడులో హిందీని బలవంతంగా రుద్దేందుకు బీజేపీ ప్రయత్నిస్తోందని ఎన్నికల వేళ సీఎం స్టాలిన్ చేసిన ఆరోపణలు రాష్ట్రంలో చర్చనీయాంశంగా మారాయి. స్థానిక భాషా భావాలను విస్మరించవద్దని ఆయన కేంద్రాన్ని హెచ్చరించారు. దీంతో బీజేపీ నేత తమిళిసై సౌందర రాజన్ వెంటనే రంగంలోకి దిగారు. తాను కూడా ఈ పేరుపై అభ్యంతరం వ్యక్తం చేశారు. తమిళ నేమ్ ప్లేట్ పెట్టాలని డిమాండ్ చేయడంతో పాటు ప్రాంతీయ భాషలకు ప్రాధాన్యం ఇవ్వాలంటూ నేరుగా రైల్వే మంత్రి అశ్వినీ వైష్ణవ్ ను ట్యాగ్ చేస్తూ ట్వీట్ చేశారు. తాజా పరిణామాలతో అసలే ఎన్నికల వేళ ఇది తమ మెడకు ఎక్కడ చుట్టుకుంటుందో అన్న ఆందోళన బీజేపీ నేతల్లో పెరుగుతోంది.

Honourable @AshwiniVaishnaw kindly instruct the @GMSRailway to properly place our language Tamil translation and place the Tamil language board properly,for the mistakes done by some officials
central government is unnecessarly blamed as trying to impose hindi in Tamilnadu.. pic.twitter.com/yln2PlWG6v

— Dr Tamilisai Soundararajan (@DrTamilisai4BJP) March 4, 2026