ముస్లీం దేశాల్లోనే లేదు, సంప్రదాయం: ట్రిపుల్ తలాక్‌పై జడ్జిల్లోనే విభేదాలు

ట్రిపుల్ తలాక్‌పై సుప్రీం కోర్టు జడ్జిల్లోనే బేధాభిప్రాయాలు కనిపించాయి. ట్రిపుల్ తలాక్ చట్ట విరుద్ధమని, పార్లమెంట్ ఆరు నెలల్లోగా చట్టం చేసే వరకూ తలాక్ చెప్పడాన్ని నిషేధిస్తున్నామని మంగళవారం సుప్రీం.

న్యూఢిల్లీ: ట్రిపుల్ తలాక్‌పై సుప్రీం కోర్టు జడ్జిల్లోనే బేధాభిప్రాయాలు కనిపించాయి. ట్రిపుల్ తలాక్ చట్ట విరుద్ధమని, పార్లమెంట్ ఆరు నెలల్లోగా చట్టం చేసే వరకూ తలాక్ చెప్పడాన్ని నిషేధిస్తున్నామని మంగళవారం సుప్రీం కీలక వ్యాఖ్యలు చేసింది.

తలాక్ చెల్లదని ముగ్గురు

వివిధ మతాలకు చెందిన ఐదుగురు న్యాయమూర్తులు కేసును విచారించగా, ముగ్గురు సభ్యులు తలాక్ చెల్లదని స్పష్టం చేయగా, మరో ఇద్దరు మాత్రం వేలాది సంవత్సరాలుగా వస్తున్న సంప్రదాయాలను తేలికగా తొలగించలేమన్నారు.

ఇస్లామిక్ దేశాల్లోనే లేదని

ఎన్నో ఇస్లామిక్ దేశాలు ట్రిపుల్ తలాక్ పైన ఎప్పటి నుంచో నిషేధాన్ని అమలు చేస్తున్నాయని గుర్తు చేసిన న్యాయమూర్తులు, ఇక్కడెందుకు నిషేధం విధించరాదని తన తీర్పులో ప్రశ్నించారు. తలాక్ చెప్పడం కచ్చితంగా చట్ట విరుద్ధమేనని, ఇది మహిళల హక్కులను హరిస్తోందని అభిప్రాయపడ్డారు.

మరింత వాదన కావాలని

అయితే, ఈ అంశంలో జోక్యం చేసుకోవాలని తాము భావించడం లేదని న్యాయమూర్తులు పేర్కొన్నారు. తలాక్‌ను నిషేధించాలని జస్టిస్ నారియమన్, జస్టిస్ కురియన్, జస్టిస్ లలిత్‌లు అభిప్రాయపడగా, చీఫ్ జస్టిస్ ఖేహార్, జస్టిస్ నాజిర్‌లు మాత్రం ఇప్పటికిప్పుడు వద్దని, మరింత వాదన జరగాల్సి ఉందన్నారు.

మెజార్టీ అభిప్రాయం మేరకు

న్యాయమూర్తుల్లో విభేదాలు తలెత్తిన నేపథ్యంలో అత్యధిక న్యాయమూర్తుల అభిప్రాయమైన, తలాక్ చెల్లదని చెబుతూ ఆ ఆదేశం ఆరు నెలల పాటు అమలయ్యేలా ఇంజక్షన్ ఆర్డర్ ఇస్తూ, పార్లమెంట్‌లో చట్టం చేయాలని కోర్టు సూచించింది.

English summary

In a major victory for women's rights, the Supreme Court of India struck down triple talaq while declaring it unconstitutional. In a 3:2 majority verdict the court held that the practise was unconstitutional and it violates fundamental rights of a woman as it irrevocably ends marriage without any scope of reconciliation.