జ్ఞాపక శక్తి పెరుగుతుందని విద్యార్థులకు ఆ ఇంజెక్షన్లు... ట్యూటర్ అరెస్ట్...
ఢిల్లీలో ఓ విచిత్ర ఘటన వెలుగుచూసింది. సెలైన్ సొల్యూషన్ ఇంజెక్షన్ ద్వారా జ్ఞాపక శక్తి పెరుగుతుందని... విద్యార్థులకు ఆ ఇంజెక్షన్ ఇస్తున్న ఓ ట్యూటర్ను పోలీసులు అరెస్ట్ చేశారు. ఓ విద్యార్థి తండ్రి ఇచ్చిన ఫిర్యాదు మేరకు అతన్ని అదుపులోకి తీసుకున్నారు.
పోలీసులు వెల్లడించిన వివరాల ప్రకారం... ఈస్ట్ ఢిల్లీలోని మందవల్లి పోలీస్ స్టేషన్ జరిధిలో నివాసముండే సందీప్ అనే బీఏ విద్యార్థి ఆరో తరగతి నుంచి 9 తరగతి వరకూ ట్యూషన్లు చెప్తున్నాడు. అతని వద్ద ట్యూషన్ కోసం వచ్చే విద్యార్థులకు ఇటీవల అతను ఏవో ఇంజెక్షన్లు ఇస్తున్నట్లు విద్యార్థు తల్లిదండ్రులకు తెలిసింది.
ఈ నేపథ్యంలో ఓ విద్యార్థి తండ్రి దీనిపై పోలీసులకు ఫిర్యాదు చేశాడు. దీంతో పోలీసులు సందీప్ను అదుపులోకి తీసుకుని విచారించారు. జ్ఞాపక శక్తి పెరిగేందుకు విద్యార్థులకు సెలైన్ సొల్యూషన్ను ఇంజెక్షన్ ద్వారా ఇచ్చినట్లు విచారణలో సందీప్ విచారణలో వెల్లడించాడు. యూట్యూబ్లో చూసి ఈ విషయం తెలుసుకున్నానని... ఇలా చేస్తే జ్ఞాపక శక్తి పెరుగుతుందని చెప్పాడు. సందీప్పై ఐపీసీ సెక్షన్ 336 కింద కేసు నమోదు చేసిన పోలీసులు ప్రస్తుతం దర్యాప్తు జరుపుతున్నారు. ఇంజెక్షన్లు తీసుకున్న విద్యార్థులకు వైద్య పరీక్షలు నిర్వహిస్తున్నారు.
Click it and Unblock the Notifications
Sign in with Google