షాక్: పీకలదాక మద్యం తాగిన ఉబర్ డ్రైవర్, ఇంటి వరకు కారు నడిపిన ప్రయాణికుడు !

బెంగళూరు: రాత్రి ఇంటికి వెళ్లడానికి క్యాబ్ బుక్ చేసుకున్న ప్రయాణికుడికి ఉబర్ క్యాబ్ డ్రైవర్ సినిమా చూపించాడు. పీకలదాక మద్యం సేవించి కారు నడపడానికి ప్రయత్నించిన డ్రైవర్ తీరుచూసి ప్రయాణికుడు షాక్ కు గురైనాడు. రాత్రిపూట విదిలేని పరిస్థితుల్లో ప్రయాణికుడు తన ఇంటి వరకు కారు నడిపాడు.

ఉబర్ క్యాబ్ డ్రైవర్ వాహనం నడిపితే తాను వెళ్లేది ఇంటికి కాదని, పైలోకాలకు అని గ్రహించిన ప్రయాణికుడు అతనే డ్రైవర్ అవతారం ఎత్తి వాహనం నడిపి ఎలాంటి ప్రమాదం లేకుండా ఇంటికి చేరుకున్నాడు. తనకు ఎదురైన అనుభవం గురించి ఆ ప్రయాణికుడు సోషల్ మీడియాలో వివరించాడు.

సూర్య ఓరుగంటి కెంపేగౌడ అంతర్జాతీయ విమానాశ్రయం నుంచి రాత్రి బెంగళూరులోని ఇంటికి చేరుకోవడానికి ఉబర్ క్యాబ్ బుక్ చేసుకున్నాడు. క్యాబ్ నెంబర్ మొబైల్ లో చూసుకుని వాహనం దగ్గరకు వెళ్లాడు. అప్పటికే కారు డ్రైవర్ పీకలదాక మద్యం సేవించి ఉన్నాడని సూర్య ఓరుగంటి గుర్తించాడు.

డ్రైవర్ వాహనం నడపడానికి వీలుకానంత మద్యం సేవించాడు. ఇక విదిలేని పరిస్థితుల్లో సూర్య కారు డ్రైవర్ ను ముందు సీటులో కుర్చోపెట్టాడు. తాను వాహనం నడపలేనని, మీరు వాహనం నడిపితే ఇంటి వరకు వదిలి పెడుతానని డ్రైవర్ చెప్పాడు.

@Uber_India, the ride back from Bangalore airport was not quite what I expected. The driver was drunk and drowsy. I had to pull the car over to the side and I drove all the way home. Pic with the driver in the rider seat passed out.
You need to fix this @Uber , @Uber_Support pic.twitter.com/G7LB0caeTM

— Surya Oruganti (@suryaoruganti) September 9, 2018

సూర్య డ్రైవర్ సీటులో కుర్చుని కారు డ్రైవర్ తీరును వీడియో, ఫోటో తీశాడు. తరువాత బెంగళూరులోని ఇంటి వరకు సూర్య కారు నడిపాడు. డ్రైవర్ పీకలదాక మద్యం సేవించి మతిలేకుండా సీటులో పడి ఉన్న ఫోటో, వీడియో తీసిన సూర్య దానిని సోషల్ మీడియాలో పోస్టు చేశాడు.

@UberINSupport - DM'ed the details.@dkhos - this driver behavior needs to be caught and handled as it is a very serious safety issue.
This is most common to and from airports at night in India. Having a person checking for this before starting trip should be doable.@Uber_India

— Surya Oruganti (@suryaoruganti) September 10, 2018

ఉబర్ క్యాబ్ బుక్ చేసుకున్నందుకు తనకు ఎదురైన అనుభవం ఇది అంటూ సూర్య సోషల్ మీడియాలో వివరించాడు. మద్యం మత్తులో ఇలాంటి డ్రైవర్లు జాతీయ రహదారిలో వాహనాలు నడిపి ఎదైన ప్రమాదం జరిగితే దానికి ఎవరు భాద్యులు అని ప్రయాణికులు ప్రశ్నిస్తున్నారు.

English summary

An Uber cab passenger has claimed his driver, who was a different person from the one whose name appeared on the app was in an inebriated condition, forcing him to take the wheel to reach his residence.