నేనూ రాజకీయాల్లోకి వచ్చే సమయం ఆసన్నమైంది: నటుడు ఉదయనిధి
చెన్నై: డీఎంకే వర్కింగ్ ప్రెసిడెంట్ ఎంకే స్టాలిన్ తనయుడు, నటుడు ఉదయనిధి స్టాలిన్ రాజకీయాలపై కన్నేశారు. ఆయన ఇప్పటికే డీఎంకేలో సభ్యులు. రజనీకాంత్, కమల్ హాసన్ల తర్వాత ఆయన క్రియాశీలక రాజకీయాల్లోకి రావాలనుకుంటున్నారు.
ఈ మేరకు ఉదయనిధి స్టాలిన్ మాట్లాడారు. రజనీకాంత్, కమల్ల తర్వాత తాను రాజకీయాల్లోకి వచ్చే సమయం ఆసన్నమైందని చెప్పారు. ఇతను ప్రస్తుతం నిమిర్ అనే చిత్రంలో నటిస్తున్నాడు. ఈ సినిమా ట్రయలర్ ఇటీవల విడుదలైంది.
ఈ చిత్ర ప్రచార కార్యక్రమంలో భాగంగా పలువురు విలేకర్లు ఆయనను రాజకీయాలపై ప్రశ్నించారు. మీరు రాజకీయాల్లోకి ఎప్పుడు వస్తారని అడిగారు. దీనికి ఉదయనిధి స్పందిస్తూ.. తాను పుట్టినప్పటి నుంచి రాజకీయాల్లోనే ఉన్నానని, తాను కొత్తగా లేనని, డీఎంకే నా రక్తంలో ఉందని చెప్పారు. సినిమాల్లోకి రాకముందు రాజకీయాల్లో తనకు అనుభవం ఉందని చెప్పారు.
కానీ సినిమాల్లోకి వచ్చాక ఇక రాజకీయాల గురించి ఆలోచించకూడదని నిర్ణయించుకున్నట్లు చెప్పారు. తన తండ్రి స్టాలిన్ కోసం చెన్నైలోని 1000 లైట్స్ ప్రాంతంలో ప్రచారం చేశానని, ఇప్పుడు కొందరు నటులు రాజకీయాల్లోకి వస్తున్నారని, ఇక నేను కూడా రావడానికి మంచి తరుణం ఇదే అనిపిస్తోందన్నారు.
Click it and Unblock the Notifications
Sign in with Google