ఉన్నావ్ రేప్: బిజెపి ఎమ్మెల్యేకు లైంగిక పటుత్వ పరీక్షలు?

లక్నో:ఉత్తర్‌ప్రదేశ్ రాష్ట్రంలోని ఉన్నావ్ అత్యాచారం కేసులో ఆరోపణలు ఎదుర్కొంటున్న బిజెపి ఎమ్మెల్యేకు లైంగిక పటుత్వ పరీక్షలు నిర్వహించాలని భావిస్తున్నారు. ఈ కేసును సీబీఐ అధికారులు విచారిస్తున్నారు. ఈ మేరకు కోర్టు అనుమతిని కోరుతున్నారు.

ఉన్నావ్ రేప్ కేసు ఘటనలో బిజెపి ఎమ్మెల్యే ఆరోపణలు ఎదుర్కొంటున్నారు. సిబిఐ కస్టడీలో 12 రోజుల పాటు ఎమ్మెల్యే ఉన్నారు. కస్టడీ ముగియడంతో ఎమ్మెల్యేను శుక్రవారం నాడు కోర్టు ముందు హజరుపర్చనున్నారు.

అయితే ఈ సమయంలో బిజెపి ఎమ్మెల్యేకు లైంగిక పటుత్వ పరీక్షలు నిర్వహించేందుకు అనుమతివ్వాలని సీబీఐ అధికారులు కోర్టుకు దరఖాస్తు చేయనున్నారు.విచారణలో ఎమ్మెల్యే సరైన సమాధానాలు చెప్పని కారణంగా సీబీఐ అధికారులు ఈ దిశగా ఆలోచన చేస్తున్నారని సమాచారం. ఉన్నావ్ రేప్ కేసు ఘటనకు సంబంధించి యూపీ రాష్ట్రంలో విపక్షాలు రాష్ట్ర ప్రభుత్వంపై పెద్ద ఎత్తున విమర్శలు గుప్పించాయి. అలహబాద్ కోర్టు ఆగ్రహంతో సీబీఐ అధికారులు ఈ కేసులో ఆరోపణలు ఎదుర్కొంటున్న బిజెపి ఎమ్మెల్యేను అరెస్ట్ చేశారు.

గత ఏడాది జూన్‌లో ఎమ్మెల్యేతో పాటు ఆయన అనుచరులు తనపై లైంగిక దాడికి పాల్పడ్డారని బాధితురాలు ఆరోపించారు. ఎమ్మెల్యేపై చర్యలు తీసుకోవాలని ఆ కుటుంబం నిరసనకు దిగింది.అయితే ఈ ఆరోపణలను ఎమ్మెల్యే తీవ్రంగా ఖండించారు. రాజకీయంగా తనపై బురద చల్లేందుకు ఈ అంశాన్ని తెరమీదికి తెచ్చారని ఆయన ఆరోపించారు.

English summary

The Central Bureau of Investigation (CBI) has decided to get a ‘potency test’ conducted on BJP MLA Kuldeep Singh Sengar, accused in the Unnao rape case, sources in the investigation agency said.