అమెరికాలో ఉన్నత విద్య : యూఎస్ కాన్సులేట్ చెన్నై 'ఇంటర్నేషనల్ ఎడ్యుకేషన్ వీక్...'

Published: Wednesday, November 18, 2020, 10:25 [IST]

చెన్నైలోని అమెరికా రాయబార కార్యాలయం ఈ నెల 17 నుంచి 23 వరకు 'ఇంటర్నేషనల్ ఎడ్యుకేషన్ వీక్' కార్యక్రమాన్ని నిర్వహిస్తోంది. ఇందులో భాగంగా వెబినార్స్,ప్యానెల్ డిస్కషన్స్ నిర్వహించనున్నారు. తద్వారా విదేశాల్లో ఉన్నత విద్యకు సంబంధించి విద్యార్థులకు విలువైన సలహాలు,సూచనలు ఇవ్వనున్నారు. 'Engaged, Resilient, Global' థీమ్‌తో చెన్నైలోని యూఎస్ కాన్సులేట్ జనరల్ జుడిత్ రేవిన్ ఇంటర్నేషనల్ ఎడ్యుకేషన్ వీక్‌ను ప్రారంభించారు.

ఆస్తిక గల విద్యార్థులు ఈ ఈవెంట్‌లో ఉచితంగా పాల్గొనవచ్చు. ఇందుకోసం https://educationusa.state.gov/ వెబ్‌సైట్ ద్వారా రిజిస్టర్ చేసుకోవాలి. దక్షిణ భారతదేశంలో యూఎస్ఏ ఎడ్యుకేషన్ సెంటర్స్ చెన్నై,బెంగళూరు నగరాల్లో ఉన్నాయి. వాటిని సంప్రందించేందుకు [email protected] , [email protected] వెబ్‌సైట్స్‌ను సందర్శించవచ్చు.

అమెరికాలో ఉన్నత విద్యను అభ్యసించాలనుకునే విద్యార్థులకు ఎడ్యుకేషన్ యూఎస్ఏ సెంటర్స్ మార్గనిర్దేశం చేస్తాయి. దాదాపు 175 దేశాల్లో 430 ఎడ్యుకేషన్ యూఎస్ఏ సెంటర్స్ ఉన్నాయి. అమెరికాలో గుర్తింపు పొందిన విద్యా సంస్థలు,వాటిల్లో ప్రవేశాలకు సంబంధించి సమగ్రమైన,కచ్చితమైన సమాచారాన్ని ఈ సెంటర్స్ విద్యార్థులకు అందిస్తాయి. ఒకరకంగా అమెరికాలో ఉన్నత విద్యకు విద్యార్థులను మానసికంగా సిద్దంగా చేస్తాయి.