యోగి దెబ్బ: ఉత్తరప్రదేశ్ లో కాలేజీలు, వర్శిటీల్లో జీన్స్, టీ షర్టులు బ్యాన్!

లక్నో: ఉత్తరప్రదేశ్ లోని విద్యాసంస్థల్లో ఇక ముందు ఉపాధ్యాయులు, అధ్యాపకులు జీన్స్ ప్యాంట్లు, టీ షర్టులు వేసుకుని విధులకు వెళితే కఠిన చర్యలు తీసుకుంటామని విద్యాశాఖ అధికారులు కట్టుదిట్టమైన ఆదేశాలు జారీ చేశారు.

ఉత్దరప్రదేశ్ లోని 158 ప్రభుత్వ విద్యాసంస్థలు, 331 ఎయిడెడ్ కాలేజీలతో సహ రాష్ట్రంలోని అన్ని ప్రభుత్వ కాలేజీలు, విశ్వవిద్యాలయాల్లో పని చేస్తున్నఅధ్యాపకులు, సిబ్బంది జీన్స్ ప్యాంట్లు, టీ షర్టులు వేసుకుని విధులకు హాజరుకాకూడదు.

కాలేజీలు, విశ్వవిద్యాలయాల్లో పని చేస్తున్న సిబ్బంది సహ జీన్స్ ప్యాంట్స్, టీ షర్టులు వేసుకుని విధులకు హాజరు కాకూడాదని ఉత్తరప్రదేశ్ విద్యాశాఖ జాయింట్ డైరెక్టర్ ఊర్మిల సింగ్ కట్టుదిట్టమైన ఆదేశాలు జారీ చేశారు.

ఉత్తరప్రదేశ్ ముఖ్యమంత్రిగా యోగి ఆదిత్యానాథ్ బాధ్యతలు స్వీకరించిన తరువాత ప్రభుత్వ కార్యాలయాల్లో సిగరేట్, గుట్కా వాడకం నిషేధించారు. అక్రమ కబేళాలు మూతవేయించారు. రైతుల రుణాలను మాఫి చేశారు. ఇప్పుడు విద్యాసంస్థల్లో అద్యాపకులు, సిబ్బంది జీన్స్ ప్యాంట్స్, టీ షర్టులు వేసుకురాకూడాదని కట్టుదిట్టమైన ఆదేశాలు జారీ చేశారు. ఇక ముందు యోగి ఆదిత్యానాథ్ ఎలాంటి సంచలన నిర్ణయాలు తీసుకుంటారో వేచి చూడాలి.

English summary

Teachers of 158 government colleges and 331 government-aided colleges in Uttar Pradesh have been instructed to dress up “modestly” and give up jeans and t-shirts.