ఉత్తర్ ప్రదేశ్ సీఎంగా యోగీ ప్రమాణస్వీకారం: ప్రధాని మోదీ హాజరు

ఉత్తర్ ప్రదేశ్ అసెంబ్లీకి జరిగిన ఎన్నికల్లో భారతీయ జనతా పార్టీ చారిత్రాత్మక విజయం సొంతం చేసుకుంది. రెండవ సారి ముఖ్యమంత్రిగా బాధ్యతలు చేపట్టేందుకు యోగీ ఆదిత్యనాథ్ సిద్ధమవుతున్నారు. యోగీ ఆదిత్యనాథ్ ప్రమాణస్వీకారం మార్చి 25వ తేదీన ఘనంగా జరగనుంది. ఉత్తర్ ప్రదేశ్ రాష్ట్రం దేశరాజకీయాల్లో కీలకంగా వ్యవహరిస్తున్న నేపథ్యంలో యోగీ ఆదిత్యనాథ్ ప్రమాణస్వీకారం అట్టహాసంగా నిర్వహించేందుకు బీజేపీ రంగం సిద్ధం చేసింది.

యోగీ ఆదిత్యనాథ్ ప్రమాణ స్వీకార కార్యక్రమానికి ప్రధాని మోదీతో పాటు కేంద్ర హోంశాఖ మంత్రి అమిత్ షా, బీజేపీ జాతీయాధ్యక్షుడు జేపీ నడ్డా,రక్షణశాఖ మంత్రి రాజ్‌నాథ్ సింగ్‌తో పాటు పలు బీజేపీ పాలిత రాష్ట్ర ముఖ్యమంత్రులు హాజరుకానున్నారు. యోగీ ఆదిత్యనాథ్ ప్రమాణస్వీకార కార్యక్రమం సాయంత్రం 4 గంటలకు లక్నోలోని భారతరత్న శ్రీ అటల్ బిహారీ వాజ్‌పేయి ఏకనా క్రికెట్ స్టేడియంలో జరుగుతుంది. దీనికి సంబంధించి పూర్తి వివరాలు లైవ్ అప్‌డేట్స్ మీకోసం

English summary

Yogi Adityanath to swear in as Uttar Pradesh CM live updates in telugu.