‘బిజెపిలో దిగ్విజయ్’: ఆదిత్యనాథ్‌పై అనుపంఖేర్ ఫైర్

ముంబై: బాలీవుడ్ నటుడు షారుక్ ఖాన్‌పై వివాదాస్పద వ్యాఖ్యలు చేసిన భారతీయ జనతా పార్టీ ఎంపి ఆదిత్యనాథ్‌పై ప్రముఖ బాలీవుడ్ నటుడు అనుపం ఖేర్ తీవ్ర స్థాయిలో మండిపడ్డారు. షారుక్‌పై ఆదిత్యనాథ్‌పై చేసిన వ్యాఖ్యలు దురదృష్టకరమని అన్నారు.

‘షారుక్ ఖాన్ అసలైన భారతీయుడు. అతడు భారత్‌ను ప్రేమిస్తాడు. అతడ్ని భారతీయులు ప్రేమిస్తారు' అని అనుపం ఖేర్ అన్నారు. ఆదిత్యనాథ్ చేసిన ఆరోపణలు నీచమైనవి, దురదృకరమని చెప్పారు. ఆదిత్యనాథ్ బిజెపికి చెందిన దిగ్విజయ్ సింగ్‌లా మారారని అన్నారు.

అంతకుముందు, షారుక్ ఖాన్ చేసిన వ్యాఖ్యలను ఖండించిన ఎంపి ఆదిత్యనాథ్.. జెయూడీ ఉగ్రవాది హఫీజ్ సయీద్‌తో షారున్ పోల్చుతూ తీవ్ర వ్యాఖ్యలు చేశారు. షారుక్, సయీద్‌లు ఒకే భాషలో మాట్లాడతారని అన్నారు.

పాకిస్థాన్ నుంచి ఆహ్వానం వస్తే అతను తప్పకుండా వెళ్తాడని ఎంపి అన్నారు. భారతదేశంలో అసహనం కాదు, తీవ్ర అసహనం నెలకొందని, తాను కూడా అవార్డులు వెనక్కి ఇచ్చేందుకు సిద్ధమని షారుక్ చేసిన వ్యాఖ్యల నేపథ్యంలో ఆదిత్యనాథ్ పై వ్యాఖ్యలు చేశారు.

English summary

Lashing out at Yogi Adityanath, ace actor Anupam Kher said that his comments on Shahrukh Khan were unfortunate and unprecedented. Likely to lead the 'award wapsi' march to Rashtrapati Bhavan, Kher said that Shahrukh Khan was a true Indian, he loves India and Indians love him.