మాల్యానా..మజాకా! సిద్ధార్థ ఆత్మహత్యను కూడా తనకు అనుకూలంగా మార్చుకున్నాడుగా!

బెంగళూరు: బ్యాంకులకు 9,500 కోట్ల రూపాయల మేర ఎగనామం పెట్టి దేశం విడిచి పారిపోయిన ప్రముఖ వ్యాపారవేత్త, లిక్కర్ బరూన్ విజయ్ మాల్యా..తన తెలివి తేటలను మరోసారి ప్రదర్శించారు. కేఫ్ కాఫీ డే వ్యవస్థాపక అధినేత వీజీ సిద్ధార్థ ఆత్మహత్య ఉదంతాన్ని కూడా తనకు అనుకూలంగా మార్చుకున్నారు. ఈ ఉదంతం నుంచి సానుభూతిని పొందే ప్రయత్నం చేశారు. సిద్దార్థ ఆత్మహత్యను అడ్డుగా పెట్టుకుని బ్యాంకులు, ఇతర ఆర్థిక సంస్థల వైఖరిని తప్పుపడుతున్నారు.

ఎలాంటి వారినైనా, ఎంతటి వారినైనా ఆత్మహత్యకు ప్రేరేపించేలా వ్యవహరిస్తున్నాయని ఆరోపించారు. వీజీ సిద్ధార్థ ఆత్మహత్య ఉదంతంపై విజయ్ మాల్యా స్పందించారు. దేశ ఆర్థిక విధానాలు, బ్యాంకులు, ఇతర ఆర్థిక సంస్థలు, పన్నుల వసూళ్ల వ్యవహారంపై ఘాటు విమర్శలు చేశారు. బ్యాంకులు, ఆర్థిక సంస్థలు.. ఎంతటి వారినైనా ఆత్మహత్య చేసుకునేలా ప్రోత్సహిస్తాయని సంచలనం వ్యాఖ్యలు చేశారు. ఈ మేరకు ఆయన ట్వీట్ చేశారు.

ప్రస్తుతం తన పరిస్థితి కూడా సిద్ధార్థలాగే తయారైందని అన్నారు. ఆయనతో తనకు పరోక్ష వ్యాపార లావాదేవీలు ఉన్నాయని చెప్పారు. వీజీ సిద్ధార్థ ఓ అరుదైన వ్యక్తిత్వం ఉన్న పారిశ్రామికవేత్తగా విజయ్ మాల్యా అభివర్ణించారు. అత్యంత ప్రతిభావంతుడని, తోటి పారిశ్రామికవేత్తలకు స్ఫూర్తి నింపేలా ప్రభావం చేయదగ్గ లక్షణాలు ఉన్న వ్యక్తి అని అన్నారు.

సిద్ధార్థ చివరి సారిగా రాసిన లేఖను తాను చూశానని, ఆయన రాసిన విషయాలు తనను బాధ పెట్టాయని మాల్యా చెప్పారు. బ్యాంకులు గానీ, ఇతర ఆర్థిక సంస్థలు గానీ ఎలాంటి వారినైనా ఆత్మహత్య చేసుకునేలా ఒత్తిడిని తీసుకు రాగలవనే విషయం సిద్ధార్థ ఉదంతంతో మరోసారి స్పష్టమైందని అన్నారు.

రుణాలను కట్టడానికి తాను సిద్ధంగా ఉన్నప్పటికీ..బ్యాంకులు తన విషయంలో మొండిగా ప్రవర్తిస్తున్నాయని ఆయన ఆరోపించారు. రుణ గ్రహీతలు తమ అప్పులను బ్యాంకులకు తిరిగి చెల్లించే పరిస్థితిని ఇతర దేశాల ప్రభుత్వాలు గానీ, బ్యాంకర్లు గానీ కల్పిస్తారని.. భారత్ పరిస్థితి దీనికి భిన్నంగా ఉందని అన్నారు. తన ఆస్తులను జప్తు చేయడానికి చూపుతున్న శ్రద్ధ.. తాను అప్పులను తిరిగి చెల్లించడానికి అనువైన పరిస్థితులను కల్పించడంపై ఎందుకు చూపట్లేదని మాల్యా ఆరోపించారు.

I am indirectly related to VG Siddhartha. Excellent human and brilliant entrepreneur. I am devastated with the contents of his letter. The Govt Agencies and Banks can drive anyone to despair. See what they are doing to me despite offer of full repayment. Vicious and unrelenting.

— Vijay Mallya (@TheVijayMallya) July 30, 2019

In Western Countries, Government and Banks help borrowers repay their debts. In my case they are obstructing every possible effort for me to repay my debt whilst competing for my assets. As far as the prima facie criminal case goes wait for the appeal granted.

— Vijay Mallya (@TheVijayMallya) July 30, 2019

English summary

Liquor tycoon Vijay Mallya on Wednesday tweeted about the similarities with the case of Café Coffee Day founder VG Siddhartha, whose body was found on Wednesday after he alleged harassment by an income tax officials. Siddhartha, the son-in-law of BJP leader SM Krishna, was under the scanner of the income tax department and Enforcement Directorate for alleged irregularities in his association with information technology company Mindtree Ltd.