చెన్నై వరదలు: సూపర్ బస్సు డ్రైవర్ (వీడియో)
చెన్నై: చెన్నై వరదలలో చిక్కుకున్న ప్రజలు సురక్షిత ప్రాంతాలకు వెళ్లడానికి ఎదురుచూస్తున్నారు. బస్సు, లారీ, గూడ్స్ వాహనాలు ఇలా ఏ వాహనం అయినా సరే అందులో ప్రయాణించి సురక్షిత ప్రాంతాలకు, లేదా బంధువుల ఇళ్లకు వెళ్లడానికి సిద్దం అవుతున్నారు.
బెంగళూరు-చెన్నై జాతీయ రహదారిలో సుమారు ఐదు అడుగుల ఎత్తులో వరద నీరు నిలిచిపోయింది. అనేక వాహనాలు రోడ్ల మీద నిలిచిపోయాయి. అయితే బెంగళూరు-చెన్నై రహదారిలోని తాంబరం ప్రాంతంలో భారీ ఎత్తున నీరు నిలిచిపోయింది.
ఇదే సమయంలో ఒక బస్సు లోపల, పైన (టాప్)లో సుమారు 150 మంది ప్రయాణికులతో ఓ బస్సు దూసుకు వచ్చింది. వరద నీరును లెక్కచెయ్యకుండా బస్సు డ్రైవర్ చాకచక్యంగా వాహనాన్ని నడిపాడు.
బస్సు అర్దం నీటమునిగినా సరే ప్రయాణికులను సురక్షితంగా గమ్యం చేర్చాలని ఆ డ్రైవర్ ప్రయత్నించాడు. బస్సును చాకచక్యంగా నడిపి గమ్యం చేరుకున్నాడు. ఇదే సమయంలో సహాయక చర్యలలో పాల్గోన్న హెలికాప్టర్ లోని సైనికులు సైతం పైన చక్కర్లు కొడుతూ బస్సు ఎలా వెళుతుందో పరిశీలించారు.