ఏటీఎంలో చిన్నారికి తుపాకీ పెట్టి దంపతుల నుంచి దోపిడీ(వీడియో)

ఇండోర్: మధ్యప్రదేశ్ రాష్ట్రంలోని ఇండోర్‌లో ఓ దొంగ ఏటీఎంలో దోపిడీకి తెగబడ్డాడు. జనవరి 24నే ఈ ఘటన జరగగా.. ఆలస్యంగా వెలుగులోకి వచ్చింది. ఆరోజు రాత్రి 8.30కు ఓ దంపతులు తమ చిన్నారితో కలిసి పంజాబ్ నేషనల్ బ్యాంక్ ఏటీఎంకు వెళ్లారు.

ఇంతలోనే వాళ్ల వెనక ముసుగు వేసుకున్న ఓ వ్యక్తి ఏటీఎంలోకి చేరుకొని తుపాకీతో వాళ్లను బెదిరించాడు. దీంతో వెంటనే ఆ వ్యక్తి తన జేబులో ఉన్న డబ్బు తీసి ఇచ్చాడు. అంతటితో సంతృప్తి చెందని దొంగ.. ఆ దంపతుల చిన్నారికి తుపాకితో గురిపెట్టి ఏటీఎం నుంచి డబ్బులు తీసి ఇవ్వాలని బెదిరించాడు.

#WATCH Masked man looted money from a couple while holding their child at gunpoint at Punjab National Bank ATM in Indore at 8:30 pm on January 24 (CCTV footage) pic.twitter.com/I1DoeN3w1Q

— ANI (@ANI) January 31, 2018

దీంతో చేసేదేం లేక.. ఆ వ్యక్తి ఏటీఎం నుంచి డబ్బులను డ్రా చేసి మరీ ఆ దుండగుడికి ఇచ్చాడు. అనంతరం ఆ దుండగుడు ఆ డబ్బులతో పరారయ్యాడు. ఈ ఘటనంతా ఏటీఎంలోని సీసీటీవీ కెమెరాలో రికార్డయింది. వీడియో ఆధారంగా కేసు నమోదు చేసిన పోలీసులు.. దర్యాప్తు చేస్తున్నారు.

English summary

It took just five minutes for a masked man who came armed with a gun to loot, a couple holding their child at gunpoint at an ATM in Indore.