వీడియో: నెమళ్లతో ప్రధాని నరేంద్ర మోడీ సందడి, ఇంటర్నెట్‌లో వైరల్

న్యూఢిల్లీ: భారత ప్రధాని నరేంద్ర మోడీ.. జాతీయ పక్షులు నెమళ్లకు ఆహార పదార్థాలను తినిపిస్తున్న వీడియో ఒకటి ఇప్పుడు వైరల్‌గా మారింది. ఢిల్లీలోని తన నివాసంలో నెమళ్లతో కలిసి సందడి చేశారు మోడీ. సాధారణంగా నెమళ్లను మచ్చిక చేసుకోవడం అంత ఈజీ ఏమీ కాదు.

కానీ, ఈ నెమళ్లు ఎంతో స్వేచ్ఛగా నరేంద్ర మోడీ నివాసంలో కలిగియతిరుగుతుండటం విశేషం. పురివిప్పి నాట్యమాడాయి. వాటికి ఆయన తన చేతులతో స్వయంగా ఆహారాన్ని అందించారు. ఇందుకు సంబంధించిన ఫొటోలు, వీడియోలతో కూడిన ఓ పోస్టును నరేంద్ర మోడీ తన ట్విట్టర్ ఖాతాలో పంచుకున్నారు.

కాగా, ప్రకృతి ప్రేమికులైన ప్రధాని నరేంద్ర మోడీ నివాసం పూల మొక్కలు, చెట్లతో సుందరంగా ఉంది. ప్రధాని నరేంద్ర మోడీ తన ఇంటి నుంచి ఆఫీసుకు వెళ్లున్న సమయంలోనూ.. అలాగే వాకింగ్ చేస్తున్న సమయంలోనూ నెమళ్లు స్వేచ్ఛగా ఆయన సమీపంలోనే తిరుగుతున్నాయి.

भोर भयो, बिन शोर,
मन मोर, भयो विभोर,
रग-रग है रंगा, नीला भूरा श्याम सुहाना,
मनमोहक, मोर निराला।

रंग है, पर राग नहीं,
विराग का विश्वास यही,
न चाह, न वाह, न आह,
गूँजे घर-घर आज भी गान,
जिये तो मुरली के साथ
जाये तो मुरलीधर के ताज। pic.twitter.com/Dm0Ie9bMvF

— Narendra Modi (@narendramodi) August 23, 2020

1.47 నిమిషాలపాటు ఉన్న ఆ వీడియోలో.. పలు సందర్భాల్లో మోడీ సాధారణ దుస్తుల్లోనే కనిపించారు. మరికొన్నిసార్లు వివిధ రకాల దుస్తుల్లోనూ ఆయన కనిపించారు. ప్రస్తుతం మోడీకి సంబంధించిన ఈ వీడియో సోషల్ మీడియాలో తెగ వైరల్ అవుతోంది. మోడీ అభిమానులను ఈ వీడియో మరింత ఆకట్టుకుంటోంది.

English summary

Prime Minister Narendra Modi today treated his social media followers by sharing a beautiful video of his bond with peacocks at his official residence.