జాతీయగీతం: థియేటర్ నుంచి బయటకు గెంటేశారు(వీడియో)
హైదరాబాద్: థియేటర్లోని తెరపై జాతీయగీతం వచ్చే సమయంలో లేచి నించోలేదని ఓ కుటుంబాన్ని బయటకు గెంటివేసిన వీడియో సోషల్ మీడియాలో హల్ చల్ చేస్తోంది. ఈ వీడియోని సోషల్ నెట్ వర్కింగ్ వెబ్సైట్ ఫేస్బుక్లో పోస్టు చేయగా ఇప్పటి వరకు దీనిని 2,500 షేరు చేశారు.
సుమారు 2.40 నిమిషాల నిడివి కలిగిన ఈ వీడియోలో ప్రేక్షకులు ఆ కుటుంబాన్ని థియేటర్లో నిలదీశారు. సినిమా కోసం నాలుగు గంటల పాటు కూర్చుంటారు కానీ, జాతీయగీతం వచ్చే సమయంలో లేచి నిల్చోవాలనే కామన్ సెన్సు లేదా వారిని ఆ వీడియోలో ప్రశ్నించారు.
ఆ కుటుంబాన్ని థియేటర్ నుంచి బయటకు గెంటివేసిన అనంతరం చప్పట్లతో థియేటర్ మొత్తం మారుమ్రోగింది. అయితే ఈ సంఘటన ఏ నగరంలో జరిగిందో స్పష్టంగా తెలియడం లేదు.
మీడియాలో వస్తున్న కథనం ప్రకారం ముంబైలోని కుర్లా కాంప్లెక్స్లో ఉన్న పీవీఆర్లో తమాషా సినిమా సందర్భంగా జరిగిందని అంటున్నారు. అయితే మరికొందరు బెంగుళూరులోని పీవీఆర్లో ఈ ఘటన చోటు చేసుకుందని అంటున్నారు.