2ఏళ్లుగా రేప్: తండ్రి, సోదరుడు, అంకుల్‌పై యువతి ఫిర్యాదు

జల్పాయిగురి: పశ్చిమబెంగాల్ రాష్ట్రంలోని జల్పాయిగురి జిల్లాలో దారుణ ఘటన చోటు చేసుకుంది. తన కూతురును కంటికి రెప్పలా కాపాడాల్సిన తండ్రి, తన చెల్లెలిని ఎంతో భద్రంగా చూసుకోవాల్సిన సోదరుడు, బాధ్యతగా వ్యవహరించాల్సి అంకుల్‌.. కామంతో కళ్లు మూసుకుపోయి సమాజం సిగ్గుపడే విధంగా ప్రవర్తించారు.

ఓ యువతి దుస్థితిని చూస్తే ఆమె వేదన అర్థమవుతుంది. వివరాల్లోకి వెళితే.. తనపై రెండేళ్లుగా అత్యాచారానికి పాల్పడుతున్నారని ఓ యువతి(16) తన తండ్రి, సోదరుడు, అంకుల్‌పై ఫిర్యాదు చేసింది. అంతేగాక, తాను రెండు సార్లు గర్భవతినయ్యానని, నాలుగు సార్లు ఆత్మహత్యకు యత్నించినట్లు తన ఫిర్యాదులో పేర్కొంది.

విచాకర విషయమేంటంటే.. బాధిత యువతికి ఆమె తల్లి ఎలాంటి సహాయం అందించలేదు. అంతేగాక, ‘వారంతా కొత్తవారు కాదు, నీ తండ్రి, సోదరుడు, అంకులే కాదా' అని యువతికి ఆ తల్లి తెలిపిందట. కుటుంబసభ్యుల వేధింపులకు తాళలేక బాధిత యువతి గురువారం తన పాఠశాల టీచర్‌కు విషయం చెప్పింది.

కాగా, గురువారం కూడా ఆ యువతిపై 20ఏళ్ల ఆమె సోదరుడు అత్యాచారానికి పాల్పడ్డాడు. దీంతో ఆమె టీచర్, పాఠశాల ప్రిన్సిపాల్ బాధిత యువతితో కలిసి ధూప్‌గురి పోలీస్ ష్టేషన్‌లో ఫిర్యాదు చేశారు. కేసు నమోదు చేసుకున్న పోలీసులు, వెంటనే ఆమె అంకుల్‌ను అరెస్ట్ చేశారు.

ఆ తర్వాత అదే రోజు సాయంత్రం బాధితురాలి తండ్రి, సోదరుడ్ని పోలీసులు అదుపులోకి తీసుకున్నారు. కాగా, బాధితురాలి తల్లి పరారీలో ఉంది. బాధితురాలిని జల్పాయిగురి జిల్లా చైల్డ్ వెల్ఫేర్ కమిటీకి తరలించారు.

English summary

In a shocking incident in the Jalpaiguri district of West Bengal, a 16-year old girl filed a compalint against her father, brother and uncle for raping her for 2 years.