ఎటిఎంలలో నగదు ఎందుకు ఉండడం లేదో తెలుసా ?

పెద్ద నగదునోట్లు రద్దు చేసిన తర్వాత బ్యాంకుల నుండి ఎటిఎంలలో నగదును డిపాజిట్ చేసే ఏజెన్సీలకు ఆశించిన రీతిలో నగదు అందని కారణంగా ఎటిఎంలు సక్రమంగా పనిచేయడం లేదు. తమ ఖాతాదారుల అవసరాలకు డబ్బు సరిపోవడంలేదు

ముంబై :పెద్ద నగదునోట్ల రద్దు తర్వాత బ్యాంకులు, ఎటిఎం ల వద్ద కొత్త కరెన్సీ కోసం ప్రజలు బారులు తీరుతున్నారు. దేశంలోని యాభై శాతానికి పైగా ఎటిఎంలు పనిచేయడం లేదు. ఎటిఎంలలో నగదును డిపాజిట్ చేయాల్సిన ఏజెన్సీలకు అరకొరగా డబ్బులు అందజేయడం వల్లే ఈ పరిస్థితి నెలకొంది. తమ వద్ద ఎక్కువ మొత్తంలో నగదు లేని కారణంగానే ఎటిఎంలకు నగదును డిపాజిట్ చేయలేకపోతున్నట్టు బ్యాంకు అధికారులు చెబుతున్నారు.

పెద్ద నగదు నోట్ల రద్దు తర్వాత కొత్త కరెన్సీ కోసం బ్యాంకులు, ఎటిఎం ల వద్ద ప్రజలు బారులు తీరడం కన్పిస్తూనే ఉంది. దేశంలోని యాభై శాతానికి పగా ఎటిఎంలు పనిచేయని పరిస్థితి నెలకొంది. ఈ పరిస్థితులకు ఎటిఎంలకు సరిపోను నగదును అందించకపోవడమే కారణంగా అధికారులు చెబుతున్నారు.

కొన్ని ఎటిఎంలలో నగదును డిపాజిట్ చేసినా కొద్దిసేపట్లోనే నగదు అంతా అయిపోయి ఎటిఎంలో పనిచేయని పరిస్థితి కన్పిస్తోంది.అయితే ప్రజల అవసరాలకు తగ్గట్టుగా తాము డబ్బులను పంపుతున్నట్టు ఆర్ బి ఐ అధికారులు ప్రకటిస్తోన్నా ప్రజల అవసరాలను మాత్రం తీర్చలేకపోతున్నాయి.

రిజర్వ్ బ్యాంకు నుండి వస్తోన్న నగదును బ్యాంకులు తమ ఖాతాదారుల అవసరాల కోసం బ్యాంకులోనే ఉంచుకొంటున్నాయి. ఈ కారణంగానే బ్యాంకుల నుండి ఎటిఎంలకు అందజేయాల్సిన నగదును సక్రమంగా సరఫరా చేయలేకపోతున్నారని కొందరు అధికారులు చెబుతున్నారు.

ఈ కారణంగానే ఎటిఎంల్లో నగదును నింపే ఏజెన్సీలకు పూర్తి స్థాయిలో నగదు అందడంలేదు. దరిమిలా ఎటిఎంలు ఖాళీగా కన్పిస్తున్నాయి.

English summary

what is the reason for atm's not working ? no sufficient money for deposit in atms bank officers said.new currency notes held banks with own branches for its customers.rbi release crores of money to banks entire country. but huge demand for new currency notes from people.