బైక్ కోసం భార్యనే అమ్మేశాడు, వారు మళ్లీ మళ్లీ...

భోపాల్: ఓ వ్యక్తి ద్విచక్ర వాహనం కొనేందుకు ఏకంగా తన భార్యనే అమ్మివేసిన వింత సంఘటన మధ్యప్రదేశ్ రాష్ట్రంలో జరిగింది. భార్యను అమ్మగా వచ్చిన డబ్బుతో బైక్ కొనుక్కొని దాని పైన షికార్లు చేస్తున్నాడు. మధ్యప్రదేశ్ రాష్ట్రంలోని బేతుల్ జిల్లాలో గల ఆమ్లాలో రాము అనే వ్యక్తి తన భార్య రాధను యాభై వేలకు అమ్మేశాడు.

అమ్మగా వచ్చిన దానితో బండి కొనుక్కున్నాడు. ఈ సంఘటన ఏడాది క్రితం జరిగింది. అయితే విషయం ఆలస్యంగా బయటకు వచ్చింది. రాధ తాలూకు బంధువులు రాము ఇంటికి వచ్చి చూస్తే కానీ ఆమె లేదనే విషయం తెలియలేదు. దాంతో ఆమె కోసం వారు వెతికారు.

అప్పుడు రాము జరిగిన విషయం చెప్పాడు. దీంతో వారు నిర్ఘాంతపోయారు. అనంతరం పోలీసులకు ఫిర్యాదు చేశారు. వారు వెతికే ప్రయత్నం చేశారు. ఇదిలా ఉండగా... ఆమెను ఇలా ఒకరి నుండి మరొకరు కొనుక్కున్నారట. ఇలా మూడు నాలుగు చేతులు మారక ఆమె ఓ మంచి వాడి చేతిలో పడిందట. అతనితోనే రాధకు మళ్లీ పెళ్లయిందట.

English summary

wife bought by selling bikes in Madhya Pradesh.