మహిళను కారులో రేప్ చేసిన ఓలా క్యాబ్ డ్రైవర్

భోపాల్: మధ్యప్రదేశ్ రాజధాని భోపాల్‌లో దారుణ ఘటన చోటు చేసుకుంది. ఓ ప్రయాణికురాలిపై ఓలా క్యాబ్ డ్రైవర్ కారులోనే అత్యాచారానికి పాల్పడ్డాడు. బాధితురాలి ఫిర్యాదు మేరకు పోలీసులు నిందితుడిని అరెస్ట్ చేశారు.

పోలీసుల కథనం ప్రకారం.. డిసెంబర్ 29న ఓ ప్రైవేటు ఆస్పత్రిలో పని చేస్తున్న బాధిత మహిళ ఇంటికి వెళ్లేందుకు క్యాబ్‌ను తీసుకుంది. క్యాబ్ డ్రైవర్ దీపక్ బమానె కొంతదూరం వెళ్లాక కారును ఆపి ఆమెపై లైంగిక దాడికి పాల్పడ్డాడు.

ఈ విషయం బయటికి చెబితే చంపేస్తానని ఆమెను బెదిరింపులకు గురిచేసి పరారయ్యాడు. ఇంటికెళ్లాక బాధితురాలు జరిగిన విషయాన్ని తన భర్తకు చెప్పింది. జనవరి 1న బాధితురాలు పోలీసులకు ఫిర్యాదు చేసింది.

నిందితుడు బాధితురాలి ఇంటి సమీపంలోనే నివసిస్తున్నాడని, అతనికి ఆమె తెలుసని పోలీసుల దర్యాప్తులే తేలింది. కేసు నమోదు చేసుకున్న పోలీసులు, నిందితుడ్ని అరెస్ట్ చేశారు.

English summary

An Ola cab driver allegedly raped a woman passenger, a mother of two children in the vehicle in state capital. It is the first incident in state capital in which a rape was committed in an app-based cab service.