అత్యాచారం.. దారుణ హత్య.. ఆపై సూట్ కేసులో కుక్కి..

ఆగ్రా : మార్నింగ్ వాక్ కోసం బయలుదేరిన కుర్రాళ్లకు రోడ్డు పక్కన ఓ భారీ సూట్ కేసు కనిపించడం అనుమానస్పదంగా తోచింది. వెంటనే పోలీసులకు సమాచారమివ్వడంతో.. అక్కడికి చేరుకున్న పోలీసులు సూట్ కేసును తెరవగా.. అందులో ఓ మహిళ కుళ్లిపోయిన మృతదేహం ఉండడం అందరినీ షాక్ కు గురయ్యేలా చేసింది.

ఢిల్లీ ఆగ్రా సరిహద్దులో ఉన్న రాయ్ పురా జత్ వద్ద ఈ కలకలం చోటు చేసుకుంది. కాగా, మహిళ చేతికున్న ఉంగరాలు, మెడపై ఉన్న ఆభరణాలను బట్టి మ్రుతురాలు పెద్దింటికి చెందిన మహిళ అయి ఉండవచ్చునన్న అభిప్రాయం వ్యక్తం చేస్తున్నారు పోలీసులు.

మహిళ మృతదేహంపై లో దుస్తులు మాత్రమే ఉండగా.. శరీరంపై పలు చోట్ల కత్తితో పొడిచిన ఆనవాళ్లు ఉన్నట్లుగా గుర్తించారు పోలీసులు. రెండు మూడు రోజుల క్రితం జరిగిన హత్య కావడంతో మృతదేహం స్వల్పంగా కుళ్లిపోయి, మొహం బాగా ఉబ్బి ఉన్నట్లుగా నట్లుగా పోలీసులు భావిస్తున్నారు. మహిళపై అత్యాచారానికి పాల్పడి అనంతరం హత్య చేసుంటారనే వాదన వినిపిస్తోంది.

సూట్ కేసులో మహిళ మృతదేహం ఉందన్న విషయం ఆ నోటా.. ఈ నోటా.. విస్తృతంగా ప్రచారం జరిగి భారీ సంఖ్యలో జనం మృతదేహాన్ని చూడడానికి వచ్చారు.

English summary

A partially decomposed body of a woman, in her early 40s, was found stuffed in a trolley suitcase on the busy Agra-Delhi highway (NH-2), near Raipura Jat area, on Friday morning.