వింత: మహిళనే వివాహం చేసుకొన్న మహిళా ఎస్ ఐ

జలంధర్: ఓ మహిళను మరో మహిళా పెళ్ళాడిన ఘటన పంజాబ్ లో చోటుచేసుకొంది. పోలీస్ శాఖలో ఎస్ ఐ గా ఉద్యోగం చేస్తోన్న మంజీత్ కౌర్ సంధూ 27 ఏళ్ళ యువతిని పెళ్ళి చేసుకొంది.

హిందూ సంప్రదాయం ప్రకారంగా జలంధర్ నగరంలోని ఓ దేవాలయంలోని వీరి పెళ్ళి జరిగింది. ఈ వివాహ వేడుకలో దగ్గరి మిత్రులు పాల్గొన్నారు. అయితే ఈ వివాహానికి ఆమె తన కుటుంబసభ్యులను ఒప్పించింది. ఈ వివాహవేడుకల్లో కుటుంబసభ్యులు దగ్గరుండి అన్ని కార్యక్రమాలను పర్యవేక్షించారు.

గత ఎనిమిదేళ్ళుగా మంజీత్ కౌర్ ఎస్ ఐ గా పనిచేస్తున్నారు. మంజీత్ కౌర్ కుటుంబసభ్యుల సమక్షంలోనే సంప్రదాయబద్దంగా తన భార్యను తన ఇంటికి తెచ్చుకొంది. వీరి పెళ్లి జరిగిన కాసేపటికే వివాహఫోటోలు, వీడియోలు సోషల్ మీడియాలో హాల్ చల్ చేశాయి.

ఈ పెళ్ళిపై సోషల్ మీడియాలో మిశ్రమస్పందన వ్యక్తమౌతోంది. సుప్రీంకోర్టు ఆదేశాల మేరకు స్వలింగ వివాహాలు నేరం కిందకు వస్తాయని పలువురు గుర్తుచేస్తున్నారు. మొత్తానికి వీరి వివాహం ప్రస్తుతం పంజాబ్ రాష్ట్రంలో హాట్ టాపిక్ గా మారింది.

English summary

Manjit Kaur, who's been working as a sub-inspector in the Punjab police for the last 30-years reportedly married a woman in a grand ceremony.