నేనిప్పుడు గర్భవతిని.. పాయింట్ బ్లాక్‌లో గన్ గురిపెట్టి మరీ!, పెళ్లిలో షాకింగ్ ఘటన

పాయింట్ బ్లాక్ లో గన్ గురిపెట్టుకుని వరుడి బాగోతం గురించి చెప్పింది. 'ఇప్పుడు చెప్పు.. నేనిప్పుడు గర్భవతిని, మనిద్దరం ప్రేమించి పెళ్లి చేసుకున్నది నిజం కాదా?' అంటూ నిలదీసింది.

లక్నో: 'ఆపండి.. ఈ పెళ్లి జరగడానికి వీల్లేదు'.. వరుడు తాళికట్టడానికి సిద్దమవుతున్న తరుణంలో.. తెలుగు సినిమాల్లో వినిపించే డైలాగ్ ఇది. ప్రేమ పేరుతో మోసం చేశాడనో.. అంతకుముందే మరో పెళ్లయిందనో.. ఇలా పీటల మీద పెళ్లిళ్లు ఆగిపోయే సీన్లు మన సినిమాల్లో చాలానే చూసుంటాం.

అచ్చు ఇదే తరహాలో ఉత్తరప్రదేశ్ లోని కాన్పూర్ జిల్లాలో ఓ పీటల మీది పెళ్లి ఆగిపోయింది. కారణం.. సరిగ్గా తాళి కట్టే సమయానికి ఓ యువతి గన్ తో పెళ్లి మంటపంలోకి ఎంట్రీ ఇవ్వడమే. ఎంట్రీతోనే ఆగిపోలేదు.. గన్ ను పాయింట్ బ్లాక్ లో తనకు తానే గురిపెట్టుకుని సదరు వరుడి నిర్వాకం గురించి ఏకరువు పెట్టడంతో.. దెబ్బకు పెళ్లి రద్దయిపోయింది.

వివరాల్లోకి వెళ్తే.. న్పూర్ జిల్లా షివ్లికి చెందిన అమ్మాయితో దేవేంద్ర అవస్థి అనే యువకుడికి వివాహం నిశ్చయమైంది. ముందుగా నిర్ణయించిన మేరకు, గురువారం నాడు పెళ్లి ఏర్పాట్లు జరిగిపోయాయి. వేద మంత్రాల నడుమ ఇక తాళి కట్టడమే తరువాయి అనుకుంటున్న తరుణంలో.. ఎక్కడి నుంచి వచ్చిందో గానీ ఒక యువతి గన్ తో ఎంట్రీ ఇచ్చింది.

పాయింట్ బ్లాక్ లో గన్ గురిపెట్టుకుని వరుడి బాగోతం గురించి చెప్పింది. 'ఇప్పుడు చెప్పు.. నేనిప్పుడు గర్భవతిని, మనిద్దరం ప్రేమించి పెళ్లి చేసుకున్నది నిజం కాదా?' అంటూ నిలదీసింది. దీంతో వరుడు తటాపటాయించడంతో అసలు విషయం బయటపడింది. వరుడి నిర్వాకానికి వధవు కుటుంబం వివాహం రద్దు చేసుకుని వెళ్లిపోయింది.

English summary

The groom Devendra Awasthi was stopped by his alleged lover who barged into the venue and pointed the pistol at him and told him that he cannot marry another girl as he is her husband. The girl also claimed that she is pregnant with Devendra's child.