కదం తొక్కిన యువత.. ఉద్యోగాల కోసం రోడ్డెక్కితే.. పోలీసుల లాఠీఛార్జ్ (వీడియో)

హౌరా : యువత కదం తొక్కింది. ఉద్యోగాల కోసం రోడ్డెక్కింది. ఉద్యోగాలు లేక అల్లాడుతున్నామంటూ పశ్చిమ బెంగాల్‌లో భారీ ర్యాలీ నిర్వహించారు. వామపక్ష పార్టీలతో పాటు అనుబంధ విద్యార్థి సంఘాల ఆధ్వర్యంలో హౌరా విధుల్లో ఆందోళన కార్యక్రమాలు చేపట్టారు. పెద్ద ఎత్తున యువకులు నిరసన కార్యక్రమంలో పాల్గొన్నారు.

నిరుద్యోగ సమస్యను పరిష్కరించాలని కోరుతూ యువతకు తగినన్ని ఉద్యోగ అవకాశాలు కల్పించాలని డిమాండ్ చేశారు. 12 వామపక్ష పార్టీలు, అనుబంధ విద్యార్థి సంఘాలు ఈ ర్యాలీలో పాల్గొన్నాయి. హౌరా జిల్లాలోని బెంగాల్ సచివాలయం వరకు చేపట్టిన నిరసన ప్రదర్శనలో ఉద్యోగాలకు సంబంధించిన ప్లకార్డులు చేతబట్టి నిరసన తెలుపుతున్నారు.

హుగ్లీ జిల్లాలోని సింగూరు ప్రాంతంలో గురువారం (12.09.2019) నాడు ప్రారంభమైన ఈ ర్యాలీ హౌరాకు చేరుకుంది. ఉద్యోగాల కోసం యువకులు చేపట్టిన ఈ నిరసన ర్యాలీకి అనూహ్య స్పందన లభించింది. దారి పొడవునా మరికొందరు యువకులు వారికి తోడవుతున్నారు. అయితే నిరసనకారులు బెంగాల్ సచివాలయం వైపుకు వెళుతుండగా వారిని పోలీసులు ఎక్కడికక్కడ అడ్డుకున్నారు. అయినా కూడా ఆందోళనకారులు పోలీసులను లెక్క చేయకుండా ముందుకు వెళ్లడంతో చివరకు లాఠీ ఛార్జ్ చేయాల్సి వచ్చింది. వారిని చెదరగొట్టాలని ప్రయత్నిస్తున్నా లాభం లేకుండా పోతోంది.. అంతేకాదు నిలువరించడం పోలీసులకు సవాల్‌గా మారింది.

#WATCH Howrah: Youth wing and student wing of Communist Party of India (Marxist), stage a protest alleging unemployment in the state. Police fire tear-gas at protesters. #WestBengal pic.twitter.com/j4OqNTJW28

— ANI (@ANI) September 13, 2019

English summary

The march has been organised by SFI and DYFI along with 12 Left students’ and youth organisations, demanding employment and education for all. Three thousand people started marching from Singur on the morning of September 12. More people joining along the way.