యజువేంద్ర చాహల్పై కులం కామెంట్స్: యువరాజ్ సింగ్ అరెస్ట్..బెయిల్పై!
చండీగఢ్: భారత క్రికెట్ జట్టు మాజీ ఆల్రౌండర్ యువరాజ్ సింగ్ అరెస్ట్ అయ్యాడు. అతనిపై ఎస్సీ, ఎస్టీ అట్రాసిటీ చట్టం కింద కేసు నమోదైంది. తన తోటి క్రికెటర్, టీమిండియా స్పిన్ బౌలర్ యజువేంద్ర చాహల్ను ఉద్దేశించి చేసిన కొన్ని కామెంట్స్.. అతని అరెస్ట్కు కారణం అయ్యాయి. హర్యానాలోని హిసార్ జిల్లా హన్సి పోలీసులు అరెస్ట్ చేశారు. సుమారు మూడు గంటల పాటు విచారించారు. అనంతరం బెయిల్పై విడుదల అయ్యాడు.
గత ఏడాది ఓ మ్యాచ్ సందర్భంగా టీమిండియా ఓపెనర్ రోహిత్ శర్మతో సరదాగా నిర్వహించిన ఇంటర్వ్యూ సందర్భంగా యువరాజ్ సింగ్.. యజువేంద్ర చాహల్పై ఈ కామెంట్స్ చేశాడు. ఓ షెడ్యూల్డ్ కులాన్ని కించపరిచేలా అతను చేసిన వ్యాఖ్యానాలు ఉన్నాయంటూ అప్పట్లోనే దుమారం చెలరేగింది. హన్సీ పోలీస్ స్టేషన్లో కేసు నమోదైంది. లాక్డౌన్ సమయంలో యజువేందర్ చాహల్ ఇంట్లో ఖాళీగా గడుపుతున్నాడని, వీడియోలు షూట్ చేసుకుంటున్నాడని పేర్కొన్నాడు.
ఓ కులానికి చెందన మనుషుల్లా అతనికి పనీ పాట ఉండట్లేదని సరదాగా కామెంట్స్ చేశాడు. తమ కులాన్ని కించపరిచాడంటూ హిసార్కు చెందిన ఓ న్యాయవాది.. యువరాజ్ సింగ్పై కేసుపై హన్సి పోలీసులకు ఫిర్యాదు చేశారు. వారి ఫిర్యాదు మేరకు పోలీసులు ఎస్సీ, ఎస్టీ అట్రాసిటీ చట్టం కింద ఎఫ్ఐఆర్ నమోదు చేశారు. ఐపీసీలోని 153, 153ఎ, 295, 505, ఎస్సీ, ఎస్టీ అట్రాసిటీ చట్టంలోని 3 (1), (ఆర్), 3 (1) (ఎస్) కింద కేసు నమోదు చేశారు.
ఈ కేసులో యువరాజ్ అరెస్ట్ అయ్యాడు. న్యాయస్థానం ముందు ప్రవేశపెట్టారు. అతనికి వెంటనే బెయిల్ లభించింది. విచారణను ఎదుర్కొన్న తరువాత యువరాజ్ సింగ్ విడుదల అయ్యాడు. అనంతరం తన సోషల్ మీడియా అకౌంట్స్ మీద దీనికి సంబంధించిన కొన్ని వివరాలను పోస్ట్ చేశాడతను. తన స్నేహితులతో సరదాగా ఆ వ్యాఖ్యలు చేయాల్సి వచ్చిందని వివరణ ఇచ్చాడు. ఉద్దేశపూరకంగా చేసినవి కావని స్పష్టం చేశాడు.
ఒకరిని కించ పరచాలనేది తన ఉద్దేశం కాదని చెప్పాడు. ఆ వ్యాఖ్యలు చేసినందుకు విచారం వ్యక్తం చేస్తున్నానని అన్నాడు. కాగా- విచారణ సందర్భంగా యువరాజ్ సింగ్ తమకు సహకరించాడని హిసార్ పోలీస్ సూపరింటెండెంట్ నికిత గెహ్లాట్ చెప్పారు. న్యాయస్థానం ఆదేశాలతో కస్టడీలోకి తీసుకున్నామని, అనంతరం బెయిల్ లభించడంతో విడుదల చేశామని అన్నారు. కొందరు దళిత సొసైటీ సభ్యులు, న్యాయవాది ఇచ్చిన ఫిర్యాదుతో యువరాజ్ సింగ్ను అరెస్ట్ చేశామని చెప్పారు.
-
తెలంగాణ నుంచి తిరుపతి వెళ్లే వారికి గుడ్ న్యూస్.. అందుబాటులోకి కొత్త ఎన్ హెచ్ 565 -
బంగారం ధరలు అధోగతి- కనీవినీ ఎరుగనంత పతనం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
సికింద్రాబాద్- విశాఖ ఎక్స్ ప్రెస్ ఇక విజయవాడ వెళ్లదు- డైవర్షన్ రూట్ -
ప్రతీ ఇంటికీ రెండు ఫ్రీ గ్యాస్ సిలెండర్లు-ఇరాన్ వార్ వేళ సర్కార్ ఆఫర్..! -
రైతు భరోసా నిధులు జమ కాలేదా, ఇలా చేయండి- వెంటనే..!! -
మకరరాశి వార్షిక జాతకం ఇలా.. ఈ ఏడాది విశేష లాభాలు! -
ఏపీలో ఉద్యోగులకు సర్కార్ గుడ్ న్యూస్..! ఇకపై ఈ మార్పు..! -
తమిళనాడులో సీన్ రివర్స్-తాజా సర్వేలో హోరాహోరీ-ఎడ్జ్ మాత్రం..! -
విజయ్కు షాకిచ్చిన సర్వే!: ఆ పార్టీకి 180+ సీట్లు -
ధనుస్సు రాశి, మకర రాశి ఏప్రిల్ నెల జాతక ఫలం -
తెలంగాణ కేబినెట్ సంచలన నిర్ణయాలు.. ఆ బిల్లులకు ఆమోదం
Click it and Unblock the Notifications
Sign in with Google