2,600 ఏళ్ల నాటి మయన్ల నగరం గుర్తింపు, ప్రత్యేక గ్రిడ్ లే అవుట్
వాషింగ్టన్: ప్రత్యేక గ్రిడ్ లే అవుట్తో నలువైపులా గోడలు కలిగిన రెండువేల ఆరువందల ఏళ్ల నాటి మయన్ల నగరం వెలుగులోకి వచ్చింది. పురావస్తు శాస్త్రవేత్తలు దీనిని కనుగొన్నారు. ఈ నమూనా ద్వారా దీనిని పర్యవేక్షించిన పాలకుడు చాలా శక్తిమంతమైనవాడని తెలుస్తోందని శాస్త్రవేత్తలు అభిప్రాయపడ్డారు.
గాటేమాలాలోని పీటెన్లో నిక్స్టన్చీచ్ ప్రాంతంలో తవ్వకాలు చేపట్టారు. ఈ తవ్వకాల్లో శాస్త్రవేత్తలు ఈ నగరాన్ని గుర్తించారు. దీనిలో ఉన్న సమతల పైభాగంతో కూడిన పిరమిడ్లు దాదాపు క్రీస్తుపూర్వం 600 నుండి క్రీస్తుపూర్వం 300 ఏళ్ల మధ్యకాలంలో వాడుకలో ఉండేవని, ఇదే కాలంలో ఈ ప్రాంతంలో మొదటి నగరాలను నిర్మించారని పురాతత్వ శాస్త్రవేత్తల పరిశోధనలో వెల్లడైంది.
మయన్ల నుండి గ్రిడ్లను ఉపయోగించి మరే ఇతర వరల్డ్ క్లాస్ నగరం లేదని పరిశోధకులు చెబుతున్నారు. ఇక్కడున్నటువంటి నగరాన్ని ఎక్కడా చూడలేదని న్యూయార్క్లోని క్వీన్స్ కాలేజీలో ప్రొఫెసర్గా పని చేస్తున్న టిమోతీ పా చెప్పారు. ఇది మొత్తం పద్ధతి ప్రకారం ఉందని చెప్పారు.
Click it and Unblock the Notifications
Sign in with Google