9ఏళ్ల బాలిక థర్డ్ఫ్లోర్ నుంచి దూకింది, పోలీసుల క్యాచ్
లండన్: అగ్ని ప్రమాదం నుంచి తనను తాను కాపాడుకోవడానికి ఓ తొమ్మిదేళ్ల బాలిక ఏకంగా 25 అడుగుల ఎత్తు నుంచి దూకింది. ఈ ఘటన అమెరికాలో జరిగింది. ఆ చిన్నారి పేరు సోఫియా దొరొషెంకో.
ఉక్రెయిన్కు చెందిన సోఫియా కుటుంబం అమెరికాకు ఇటీవలే వచ్చి ఓ అపార్ట్మెంట్లోని మూడో అంతస్తులో నివాసం ఉంటోంది. అగ్నిప్రమాదం సంభవించినప్పుడు ఇంట్లో సోఫియా ఒక్కతే ఉంది. మంటలు వ్యాపిస్తుండటంతో తీవ్ర భయాందోళనకు గురై బాల్కనీలోకి వచ్చి నిలబడింది.
సమాచారం తెలుసుకొని అక్కడికి చేరుకున్న పోలీసులు మూడో అంతస్తు బాల్కనీలో సోఫియాను చూసి కిందకు దూకమంటూ అరిచారు. అయితే అగ్నిమాపక సిబ్బంది అప్పటికి ఇంకా రాకపోవటంతో సోఫియా కిందికి దూకితే పట్టుకోవటానికి వల గానీ, రబ్బరు ప్యాడ్లుగానీ లేవు.
అయినప్పటికీ పోలీసులు తమ చేతులతోనే సోఫియాను పట్టుకోవాలని నిర్ణయించుకున్నారు. సోఫియా ధైర్యం చేసి కిందికి దూకడంతో ముగ్గురు పోలీసులు చేతులు చాచి ఆమెను భద్రంగా పట్టుకున్నారు. దీంతో అందరూ ఊపిరిపీల్చుకున్నారు.