భారీ కాయం.. నెమ్మదిగా రోడ్డు దాటుతూ.. గ్రీన్ అనకొండ వైరల్ వీడియో

బ్రెజిల్ : 3 మీటర్లకు పైగా పొడవు.. దాదాపు 30 కిలోలకు పైగా బరువు. అంతటి భారీ కాయంతో రద్దీగా ఉండే జాతీయ రహదారిని దాటేందుకు ప్రయత్నించింది అతిపెద్ద గ్రీన్ అనకొండ. రోడ్డుకు ఈ వైపు నుంచి ఆ వైపు వెళ్లేందుకు ప్రయత్నించిన అనకొండకు వాహనదారులు సహకరించారు. అది అలా వెళుతుంటే తమ వాహనాలను ఆపి మరీ దానికి దారి ఇచ్చారు. అయితే ఆహారం కోసమే అలా పొదల్లో నుంచి రోడ్డుపైకి వచ్చిందనేది కొందరి భావన.

బ్రెజిల్ లో జరిగిన ఈ ఘటన సోషల్ మీడియాలో వైరల్ గా మారింది. సర్ప జాతిలో ప్రపంచంలోనే అతిపెద్ద, అతి బరువున్న పాముగా గ్రీన్ అనకొండ గుర్తింపు పొందింది. సాధారణంగా 5 మీటర్ల వరకు పొడవు, 30 నుంచి 70 కిలోల వరకు బరువు ఉంటుంది.

English summary

The green anaconda is the heaviest snake in the world and is much more at home in the water than on land. Fortunately, these locals in Brazil actually stop traffic to allow it safe passage.