మెక్సికోలో కూలిన విమానం: అద్భుతం, ప్రాణాలతో బయటపడ్డ 100మందికి పైగా ప్రయాణీకులు

మెక్సికో: మెక్సికోలో ఘోర ప్రమాదం చోటు చేసుకుంది. ఓ విమానం టేకాఫ్ అయిన ఆయిదు నిమిషాల తర్వాత కూలిపోయింది. ఈ విమానంలో 100 మందికి పైగా ఉన్నారు. 97 మంది ప్రయాణీకులు, మిగతా వారు విమాన సిబ్బంది ఉన్నారు. మొత్తం 101 నుంచి 103 మంది ఉన్నారు. అయితే వీరంతా ఈ ప్రమాదం నుంచి బయటపడటం గమార్హం. తాము ప్రాణాలతో బయటపడటం నమ్మలేనంత ఆశ్చర్యంగా ఉందని ప్రయాణీకులు చెబుతున్నారట.

కానీ దాదాపు 80 మందికి పైగా స్వల్ప గాయాలయ్యాయి. వారిని ఆసుపత్రికి తరలించారు. స్థానిక కాలమానం ప్రకారం (మెక్సికో) సాయంత్రం నాలుగు గంటలకు (భారత కాలమానం ప్రకారం అర్ధరాత్రి రెండున్నర గంటల ప్రాంతంలో) ఈ ప్రమాదం జరిగింది. మంటలు కూడా వచ్చాయి.

ఎయిరో మెక్సికకు చెందిన ఏఎం 2431 జెట్ విమానం గ్వాడలుపె విక్టోరియా అంతర్జాతీయ విమానాశ్రయం నుంచి మెక్సికోకు బయలుదేరింది. టేకాఫ్ తీసుకున్న ఐదు నిమిషాల తర్వాత కూలిపోయింది. వాతావరణం సరిగా లేకపోవడంతో ఈ ప్రమాదం జరిగిందని భావిస్తున్నారు. వర్షం కూడా కురుస్తుందని తెలుస్తోంది.

English summary

A passenger jet crashed into a field and caught on fire after taking off during a severe storm in Mexico on Tuesday but miraculously no one died.