ఏంటీ ఘోరం.. 45 ఏళ్ల వ్యక్తికి ఆరేళ్ల బాలికతో పెళ్లి.. 9 ఏళ్లు వచ్చాక కాపురానికి అట..!

అభంశుభం తెలియని ఆరేళ్ల చిన్నారి గొంతు కోశాడు ఆ తండ్రి. డబ్బు కోసం 45 ఏళ్ల వ్యక్తితో పెళ్లి చేసి అమ్మేశాడు. ఇప్పుడీ ఘటన సామాజిక మాధ్యమాల్లో ట్రెండింగ్ గా మారింది. ఆఫ్ఘనిస్తాన్‌ లో జరిగిన ఈ ఘటన వింటే అక్కడి మహిళల పరిస్థితి ఎలా ఉందో అర్థం అవుతోంది. ఆడపిల్ల పుట్టడమే ఆ రాజ్యంలో శాపంగా మారింది.

ముక్కుపచ్చలారని ఆ చిన్నారికి ఓ కసాయి తండ్రి జీవితకాలం శిక్ష వేశాడు. అభంశుభం తెలియని ఆ ఆరేళ్ల చిన్నారికి 45 ఏళ్ల వ్యక్తితో వివాహం జరిపించాడు. డబ్బు కోసం కన్న కూతుర్ని అమ్మేశాడు. ఈ ఘటన చూస్తే తాలిబన్ ల రాజ్యం అయిన ఆఫ్గనిస్థాన్ లో మహిళలు, చిన్నారుల పరిస్థితి ఏంటో కళ్లకు కట్టినట్లు అర్థం అవుతోంది.

ఈ షాకింగ్ ఘటన ఆఫ్గనిస్థాన్ లోని హెల్మాంద్ ప్రావిన్స్ లోని మార్జా జిల్లాలో జూన్ 28న జరిగింది. ఈ ఘటన ఆలస్యంగా వెలుగులోకి వచ్చింది. ఆర్థిక ఇబ్బందుల్లో ఉన్న ఓ కుటుంబం తమ ఆరేళ్ల చిన్నారిని అమ్ముకుంది. 45ఏళ్ల వ్యక్తికి ఇచ్చి పెళ్లి చేసింది. అయితే ఈ విషయంలో తాలిబన్ లు జోక్యం చేసుకుని చిన్నారికి 9 ఏళ్లు వచ్చాకే కాపురానికి పంపాలని షరతులు విధించారు.

A grown man marrying a 6-year-old is not just wrong, it’s criminal. This is not marriage, it’s child rape. No culture, no faith, no justice can defend such horror, yet it’s allowed under the Taliban rule in Afghanistan. pic.twitter.com/yrOdQOiygG

— Habib Khan (@HabibKhanT) June 27, 2025

ఈ ఘటనను ప్రపంచ దేశాలు తీవ్రంగా ఖండిస్తున్నాయి. దేశంలోని మహిళలు, చిన్నారుల భద్రతకు కట్టుబడి ఉన్నామని గతంలో ప్రగల్భాలు పలికిన తాలిబన్ లు ఇప్పుడు ఇలాంటి ఘటనలను ప్రోత్సహిస్తుండటం ఆందోళన రేపుతోంది. ఈ వివాహం స్థానిక 'వాల్వార్' సంప్రదాయం ప్రకారం జరిగినట్లు సమాచారం.

Afghan man, 45, 'marries girl aged SIX before Taliban intervene... and say he must wait until she is NINE'

How sick is this? Evil ppl pic.twitter.com/ypKq5NOiTs

— Myrna 𝕏 (@GigaBeers) July 6, 2025

స్థానిక వార్తాపత్రిక కథనం ప్రకారం ఆరేళ్ల చిన్నారికి వివాహం చేసుకున్న ఆ వ్యక్తికి అప్పటికే ఇద్దరు భార్యలు ఉన్నారు. ఆర్థిక పరిస్థితి బాగోలేక ఆ చిన్నారి తండ్రి ఈ ఘాతుకానికి పాల్పడినట్లు తేలింది. అయితే ఈ ఘటన గురించి తాలిబన్ పెద్దలకు తెలిసింది. అయితే వాళ్లు.. ఈ పెళ్లిని ఆపాల్సింది పోయి.. బాలికకు 9 ఏళ్లు వచ్చాకే కాపురానికి పంపాలని షరతులు పెట్టారు. దీంతో అక్కడి తాలిబన్ పెద్దలు బాల్య వివాహాలను ప్రోత్సహిస్తున్నట్లు స్పష్టం అయింది.