పెళ్లి ఫోటో: పెళ్లి జరిగిన రెండు గంటలకే విడాకులు
దుబాయ్: పెళ్లి ఫోటో సోషల్ మీడియాలో పంపించిందని ఆరోపిస్తూ ఓ నవ వరుడు తన భార్యకు విడాకులు ఇచ్చిన ఘటన దుబాయ్ లో జరిగింది. తన స్నేహితురాలికి తన పెళ్లి ఫోటోను సోషల్ మీడియాలో పంపించినందుకు ఆమె జీవితం నాశనం అయ్యింది.
దుబాయ్ లోని ఓ జంటకు పెళ్లి జరిగింది. నవదంపతులు బంధువులతో కలిసి సంతోషంగానే ఉన్నారు. అయితే పెళ్లికి రాలేని తన స్నేహితురాలు పెళ్లి కుమార్తెను ఓ ఫోటో పంపించమని చెప్పింది. అంతే పెళ్లి కుమార్తె ఆనందంగా తన పెళ్లి ఫోటో ఒకటి సోషల్ మీడియాలో పంపించారు.
ఈ విషయం తెలుసుకున్న పెళ్లి కుమారుడు పెళ్లి జరిగిన రెండు గంటలకే విడాకులు ఇచ్చేశాడు. పెళ్లికి ముందు చేసుకున్న అగ్రిమెంట్ ని ధిక్కరించావని ఆరోపిస్తూ భార్యకు విడాకులు ఇచ్చేశాడు. ఈ విషయంపై పెళ్లి కుమార్తె సోదరుడు స్థానిక మీడియాతో మాట్లాడారు.
పెళ్లి తరువాత తన సోదరి ట్విట్టర్ తో సహ సోషల్ మీడియాలో ఎవ్వరితో సంప్రధింపులు ఉండరాదని, ఫోటోలు షేర్ చెయ్యరాదని, మెసేజ్ లు పంపించరాదని అగ్రిమెంట్ ఉందని. ఇప్పుడు ఆ అగ్రిమెంట్ తన సోదరి జీవితాన్ని నాశనం చేసిందని వాపోయాడు.
Click it and Unblock the Notifications
Sign in with Google