ప్రపంచంలోనే అతి పెద్ద విమానం గాల్లో (వీడియో)

లండన్: ప్రపంచంలోనే అతి పెద్ద విమానం ఎట్టకేలకు గాలిలోకి ఎగిరింది. గత వారంలో ఈ విమానాన్ని తొలిసారి నడపడానికి ప్రయత్నించారు. అయితే సాంకేతిక లోపం కారణాల వలన అది సాధ్యం కాలేదు.

కొంత విమానం, కొంత ఎయిర్ షిప్ అయిన ఎయిర్ ల్యాండర్-10 విమానం బుధవారం సెంట్రల్ ఇంగ్లాడ్ లోని కార్డింగ్టన్ లో ఆకాశంలోకి ఎగిరింది. ప్రపంచంలోనే అతి పెద్ద విమానం ఎయిర్ ల్యాండర్ -10 మొదటి సారి గాల్లోకి ఎగురుతున్న సందర్బంగా దానిని వీక్షించడానికి ప్రజలు క్యూకట్టారు.

1930 అక్టోబర్ లో ఇదే ఎయిర్ ఫీల్డ్ నుంచి ఎగిరిన ఎయిర్ షిప్ ఆర్ -101 ఫ్రాన్స్ లో కూలిపోయింది. ఈ ప్రమాదంలో 30 మంది అక్కడే మరణించారు. ఆ ప్రమాదం జరిగిన తరువాత బ్రిటన్ లో ఎయిర్ షిప్ లు తయారు చెయ్యడం నిలిపివేశారు.

అయితే అమెరికా ఆర్మీ కోసం బ్రిటన్ కు చెందిన హైబ్రిడ్ వెహికిల్స్ (హెచ్ఏవీ) తాజాగా 302 అడుగుల పొడవున్న ఎయిర్ ల్యాండర్ -10ను రూపొందించింది. ఈ విమానం చూడటానికి చాల ఆకర్షనీయంగా, అద్బుతంగా ఉంది.

English summary

The Airlander 10, built by British aerospace firm Hybrid Air Vehicles, is due to make its maiden flight in the spring after tests last year successfully showed it was capable of getting off the ground.