టెక్కీల తొలగింపు: మైక్రోసాఫ్ట్కు షాకిచ్చిన సీనియర్ ఉద్యోగి
శాన్ఫ్రాన్సిస్కో: భారీగా సంస్థలోని ఉద్యోగులను తొలగిస్తున్న నేపథ్యంలో సాఫ్ట్వేర్ దిగ్గజ సంస్థ మైక్రోసాఫ్ట్ నుంచి ఓ సీనియర్ ఉద్యోగి వైదొలిగారు.
శాన్ఫ్రాన్సిస్కో: భారీగా సంస్థలోని ఉద్యోగులను తొలగిస్తున్న నేపథ్యంలో సాఫ్ట్వేర్ దిగ్గజ సంస్థ మైక్రోసాఫ్ట్ నుంచి ఓ సీనియర్ ఉద్యోగి వైదొలిగారు. కంపెనీ చీఫ్ ఇన్ఫర్మేషన్ ఆఫీసర్(సీఐవో) జిమ్ డుబోయిస్ తన పదవికి రాజీనామా చేశారు.
'నీ ఉద్యోగం పోయింది.. రేపట్నుంచి రావొద్దు': టెక్కీకి హెచ్ఆర్ షాక్(ఆడియో)
ఉద్యోగుల తొలగింపే కారణం
సంస్థ ఇటీవల ప్రకటించిన ఉద్యోగుల తొలగింపు నిర్ణయమే జిమ్ రాజీనామాకు కారణం కావడం గమనార్హం. జిమ్ డుబోయిస్ 1993 నుంచి మైక్రోసాఫ్ట్లో పనిచేస్తున్నారు.
2013 నుంచీ సీఐఓగా..
కంపెనీలో అనేక కీలక బాధ్యతలు నిర్వహించారు జిమ్. కాగా, అతను వృత్తిలో ఇన్ఫర్మేషన్ టెక్నాలజీపై ఎక్కువగా దృష్టి పెట్టేవారు. 2013లో సంస్థ ఆయనను సీఐవోగా నియమించింది.
టెక్కీలకు షాక్: మైక్రోసాఫ్ట్లో 3వేల ఉద్యోగాల కోత
అసంతృప్తి వ్యక్తం చేస్తూ..
అయితే, తాజాగా మైక్రోసాఫ్ట్.. భారీగా ఉద్యోగులను తొలగిస్తున్నట్లు ప్రకటించింది. ఈ నిర్ణయంపై అసంతృప్తిగా ఉన్న జిమ్ తన పదవికి రాజీనామా చేసినట్లు అంతర్జాతీయ మీడియా కథనాలు పేర్కొన్నాయి.
జిమ్ స్థానంలో డెల్ బెనె
కాగా, జిమ్ స్థానంలో సీనియర్ ఉద్యోగి కర్ట్ డెల్బెనెను నియమించనున్నట్లు తెలుస్తోంది. ఆర్టిఫీషియల్ ఇంటెలిజెన్స్, క్లౌడ్ సర్వీసెస్ను అభివృద్ధి చేసే యోచనలో ఉన్న మైక్రోసాఫ్ట్ ఉద్యోగుల్లో కోత విధించేందుకు నిర్ణయించుకుంది. ఇందులో భాగంగానే అమెరికా మినహా మిగతా దేశాల్లోని సేల్స్ విభాగంలో 3వేల ఉద్యోగులను తీసేయనున్నట్లు ప్రకటించిన విషయం తెలిసిందే.