క్లింటన్ శృంగార బాగోతం: మాజీ అధ్యక్షుడి భార్యపై బలవంతం
న్యూఢిల్లీ: వయసులో తనకన్నా 17 ఏళ్లు పెద్దది, మాజీ అమెరికా అధ్యక్షుడు జాన్ ఎఫ్ కెన్నడీ సతీమణి జాక్వలిన్ కెన్నడీని మరో మాజీ అధ్యక్షుడు బిల్ క్లింటన్ మోహింపజేయాలని చూశాడంట. ఆమె నిరాకరిస్తున్నా, బలవంతంగా ఆమెతో శృంగారంలో పాల్గొనేందుకు ప్రయత్నించాడట.
ఈ విషయాన్ని జాన్ ఎఫ్ కెన్నడీ భార్య అయిన జాక్వలిన్ తాజా పుస్తకంలో వివరించారు. అప్పుడు జాక్వలిన్ కెన్నడీ వయసు 60 ఏళ్లు. న్యూయార్క్లో మాన్హాట్టన్లోని ఫిప్త్ అవెన్యూలోని తన అపార్ట్మెంట్కు వచ్చిన బిల్ క్లింటన్ తనను మోహింపజేయాలని చూశాడని తెలిపారు.
ఈ సమయంలో వాళ్లిద్దరి మధ్య 'కుస్తీ పోటీ'లాంటి పెనుగులాట జరిగిందని, అతి కష్టం మీద అతన్ని దూరం తోసేసి, ఈ ఘోరం నుంచి జాక్వలిన్ బయటిపడినట్టు ఈ పుస్తకం తెలిపింది. 'బిల్ అండ్ హ్యారీ: సో దిస్ ఈజ్ దట్ థింగ్ కాల్డ్ లవ్' అనే పుస్తకంలో రచయితలు డార్విన్ పార్టర్, డాన్ఫోర్త్ ప్రిన్స్ ఈ విషయాలను వెల్లడించారు.
బిల్ క్లింటన్ కూడా తన భర్త జాన్ ఎఫ్ కెన్నడీ లాంటివాడేనని, అందమైన యువతులతో లైంగిక సంబంధాలు నెరపడంలో పేరుమోసిన వీరిద్దరూ శృంగారంలో 'నో' అనే సమాధానం వస్తే సహించేవారు కాదని జాక్వలిన్ ఓ సందర్భంలో తన స్నేహితురాలితో చెప్పిందని పుస్తకంలో పేర్కొన్నారు.
కాగా బిల్ క్లింటన్ తన చిన్నతనం నుంచే జాన్ ఎఫ్ కెన్నడీని అమితంగా అభిమానించేవాడు. 1963లో వైట్హౌస్కు వచ్చిన క్లింటన్ అప్పటి అధ్యక్షుడైన కెన్నడీని రోజ్ గార్డెన్లో కలిశాడు. ఆ తర్వాత 1992లో బిల్ క్లింటన్ అమెరికా అధ్యక్ష బరిలో ఉన్నప్పుడు జాన్ ఎఫ్ కెన్నడీ ఆశీస్సులను కూడా తీసుకున్నారు.
1963లో జాన్ ఎఫ్ కెన్నడీ హత్య అనంతరం బిల్ క్లింటన్ జాక్వలిన్ కెన్నడీకి బాగా సహాయం చేశారు. అయితే, ఆ తర్వాత వీరిద్దరి మధ్య సంబంధాలు దెబ్బతిన్నాయని ఈ పుస్తకంలో పేర్కొన్నారు. కాగా మాజీ అధ్యక్షుడు జాన్ ఎఫ్ కెన్నడీ, బాలీవుడ్ నటి మార్లిన్ మన్రో మధ్య సంబంధాలు అప్పట్లో పెను సంచలనం సృష్టించాయి.